VOV4.K’ho – Drim òr, 23/10, Gah bơto bơtê mờ bơsram càr Dak Lak bơyai lơh pơrjum tơn jơh broă lơh Tài bơta gơguh jak cau ùr, ringbal cau klau cau ùr mờ rơndap broă sồ 2 “ Mblàng yal, bơto bơtê nùs nhơm cau ùr Việt Nam tơngai chồl pràn tam gơl pa dà lơgar tàm ală hìu bơsram” tơngai bơh nam 2011 tus nam 2015. Tàm tơngai bơh nam 2011 tus nam 2015, Gah bơto bơtê mờ bơsram càr neh mblàng mờ đơng lam ală anih lơh broă, mpồl lơh broă gơ wèt bal, gùt kuang bàng, cau lơh broă sa priă nhai dà lơgar mut lơh niam broă lơh Tài bơta gơguh jak cau ùr mờ ringbal cau klau cau ùr tàm ală gah lơh broă, bơto bơsram, sền gròi pràn kơldang să jan, gùng dră bal, chài rơgơi, yal jơnau tơngit, hìu nhă. Ală cau ùr là kuang bàng, cau pơgru, cau lơh broă tàm gah do ndrờm geh gàr tơl bơta dong kờl jat jơnau sồr. Bal mờ hơ\, ală broă lơh mblàng yal mờ tơngume bè ringbal cau klau cau ùr, rơcang sơndră tam lơh tam pờng tàm hìu nhă geh mut lơh sùm; ală srơh đơs crih tamya, tàp pràn să jan geh ùr kuang bàng, pơgru, cau lơh broă, kơnòm bơsram, cau bơsram dờng jơh nùs tus bal mờ lơh geh uă cồng nha niam.

                                                                      Cau cih mờ yal tơngit K’ Duẩn.