VOV4.K’ho - Mho òr (1/8), tàm Hà Nội, Gah bơto pơlam gùng dà broa\ lơh dà lơgar bơyai lơh tìp mat tơng kah 86  sơnam ngai bơhìan Gah do dê (1/8/1930-1/8/2016). Đơs tàm bùi tìp mat,  ồng Võ Văn Thưởng kuang atbồ gah bơto pơlam gùng dà broa\ lơh bơh dà lơgar neh sồr: Gah bơto pưlam gùng dà broa\ lơh dà lơgar pal git loh ngan mờ git dờng màng ngan bè  kơnòl he dê tàm tơngai tus. Pơnjat tai geh bơtàu tơngguh git wa\ bè bơnga\,  broa\ lơh mờ broa\ lơh mlàng pơlam tềng rài pa. Chồl guh ala\ cồng nha neh lơh geh,  lơh niam wơl ala\ bơta gam ờ hềt niam, bơta gam ờ hềt pràn, tam gơl pràn tơnggu me,  broa\ lơh nàng geh lơh di bơta kờ` bơh mùl màl tàm rài kis. Ngan la, geh lơh lài ntàu tam lơh rcang sơndra\ bơta jòi kai, broa\ lơh gơbàn ngap lơngai bơh ala\ bol pơrlơ\ dra\ tàm gah nùs nhơm chài rgơi,  ntàu tam lơh dra\ wơl ala\ jơnau ờ niam tàm Internet.

          Cau cih mờ yal tơnggit K’ Brọp