VOV4.K’ho – Ngai òr 14/07, Gah Chài rơgơi tàp pràn să ja` mờ nhơl chờ càr Dak Nông bơyai lơh Pơrjum pơnrơ jak dơ\ III, tơngai bơh nam 2011- 2015, gơ jat bal mờ pơrjum kuang bàng, cau lơh broă sa priă nhai dà lơgar gah lơh broă do nam 2015. Jat jơnau yal tàm dơ\ pơrjum, tàm ală nam do, ală srơh tàm pơrlòng kờ` gơboh dà lơgar bơh gah chài rơgơi tàp pràn să ja` mờ nhơl chờ dê geh lam lơh, lơh di mờ bơta geh ngan bơh [òn lơgar dê mờ kơnòl broă gùng dră bal bơh gah lơh broă do dê, gơhòi gal ngan kuang bàng, cau lơh broă sa priă nhai dà lơgar tus lơh bal. Bơh srơh neh geh uă broă lơh, cau pơnrơ jak, geh uă tam gơl pa, bơceh lơh tàm broă mu\t lơh broă ờs mờng, kơnòl broă gùng dră bal. Tàm tơngai tus, bal mờ broă pơn jat tai tam gơl pa, lơh pràn srơh tàm pơrlòng kờ` gơboh dà lơgar mờ rề ơnàng uă broă lơh mờ cau pơnrơ jak, gah chài rơgơi tàp pràn să ja` mờ nhơl chờ lơh ngan lơh pràn broă lơh mblàng yal, bơto bơtê bè bơta kuơmàng bơh broă lơh tàm pơrlòng jờng rơ mờ ală srơh tàm pơrlòng ndai.

                                                              Cau mblàng Lơ Mu K’ Yến