VOV4.K’ho - Di sa tềp bơhìan yau Chol Chnam Thmay lơgar Campuchia dê, Gah đơng lam ling klàng 2 càr Daklak mờ Daknông neh bơyai lơh ai mpồl tus còp, pà phan, kham kòp, pà sơnơm ờ sa priă tàm xã Sóc San, kơnhoàl Cô Nhéc, càr Mundulkiri, lơgar Campuchia.

Tơnơ\ 1 ngai lòt gùng, mpồl lơh broă bơh Gah đơng lam ling klàng 2 càr Daklak mờ Daknông neh tus tàm xã Sóc San, kơnhoàl Cô Nhéc, càr Mundulkiri, lơgar Campuchia. Đại tá Y Brét, Phó chủ nhiệm chính trị, Gah đơng lam ling klàng càr Daklak neh geh tu\ là ling lơh broă dong kờl is lơgar Việt Nam dê mut lơh kơnòl dunia tàm lơgar Campuchia pà git: Pah tu\ tus Campuchia là tu\ nàng rê tus tiah tam lơh lài do, mờ ală jơnau kah kir ờ tu\ lơi gơtùi hui\, ngan là tàm tiah đah tô mattơngai lik lơgar Campuchia. Tu\ hơ\, làng bol lơgar Campuchia kal ke ngan, geh tu\ geh tiah gam ờ geh phan nàng sa. Kah jơnau bơto sồr Bác Hồ dê, oh mi mpồl ling bol a` kung gam tam pà phan sa êt rơhền he dê nàng dong làng bol sơrlèt gan bơta jơgloh tơhìr. Chờ hờp ngan tu\ tus wơl ndo go\ làng bol lơgar Campuchia bulah ờ hềt jơh kal ke, mơya rài kis neh tơl niam đau. Đại tá Y Brét yal: “Tus tu\ do rê wơl ndo, bol a` chờ hờp ngan tài làng bol Campuchia bơtàu tơnguh ngan. Tu\ hơ\ kal ke ngan rlau jơh là tàm tiah Mundulkiri do, mơya tu\ do làng bol Campuchia kung bơtàu tơnguh mờ lơh ngan tàm broă bơtàu tơnguh lơh sa mpồl bơtiàn.”

Xã Sóc San tu\ do ờ hềt geh đèng, geh 4 [òn là Khơ Long Le, Chi Lóp, Ênh Choa mờ Sare Thung, geh 775 hìu nhă, rlau 3 rbô 200 nă cau, jơh ală ndrờm là hìu nhă r[ah. Jat bơhìan, tu\ kòp jê, làng bol tiah do mìng hòi cau bơ jơu nàng lơh ỳang. Tàm tiah mờ mpồl lơh broă tus, [òn Khơ Long Le neh geh oh ùr dềt 3 sơnam chơt tài kòp mprơm duh să tài bơh hìu nhă hòi cau bơ jơu tus lơh ỳang. Mpồl neh bơyai lơh lùp còp, pơn dờm, pà phan, dong kờl mờ pà ờ uă phan ngui nàng bơyai lơh tơp bồc mờ hìu nhă. Rê tus mờ làng bol Sóc San mờ jơh nùs nhơm, kơnòl cau lơh sơnơm dê, Bác sĩ Trần Văn Khương đơs tờm: “Geh sồr drơng broă lơh kham kòp mpồl dê, a` sền do là kơnòl dờng màng, kơnòl bơh y bác sĩ quân khu 5 dê. Bol a` đal git jơnau kờ` là drơng làng bol in.”

Bulah bòl glar mơya mpồl lơh broă ờ ơm rlô ngai, tàm ala mờ gơp sàu piang, gàr niam làng bol in cau lơi kung geh kham kòp, cau lơi kung geh pà phan. Tê ìa kơldung phan pà, tê ìa kơldung sơnơm, bi ùr Mốc Nem Phum Lon Le chờ hờp yal: “A` kung neh blơi phan sa tềp dùl êt, tu\ do geh cau ling Việt Nam pà tai phan nàng sa tềp do he geh tai chờ hờp, ưn ngài ngan ling klàng Việt Nam.”

Ồng Samphaei Long Lai – Phó Chủ tịch kơnhoàl Cô Nhéc pà git: “A` ưn ngài ngan mpồl lơh broă bơh ling klàng càr Daklak, Daknông dê sền gròi tus làng bol lơgar bol a` dê, kuơ màng là làng bol xã Sóc San, kơnhoàl Cô Nhéc. A` chờ hờp ngan, ưn ngài ngan nùs nhơm kuơ màng hơ\, gơ ai go\ bơta tam klac lơh bơyô jo\ jòng bơh 2 jơi bơtìan Campuchia mờ Việt Nam đơs bal, mờ nùs nhơm đah 2 càr Daklak, Daknông mờ càr Mundulkiri đơs is.”

Kờ` sa tềp bơhìan yau Chol Chnam Thmay, lơgar Campuchia dê sơlơ ram mhu\, mpồl lơh broă neh pà rlau 700 bơnah phan ai ală hìu nhă r[ah xã Sóc San in. Tơl bơnah phan kờp priă 300 rbô. Mpồl lơh broă neh kham kòp, pà sơnơm, pơlam sền gròi pràn kơldang să jan, lam sồr làng bol tu\ kòp jê pal tus hìu sơnơm ai tus mờr 1 rbô 200 nă làng bol mờ cau ling di ling klàng càr Mundulkiri. Kờp jơh priă pà phan mờ pà sơnơm tàm dơ\ do là 300 tơlak, geh tă bơh priă jền lơh broă mờ lơgar ndai Ủy ban nhân dân càr Daklak, Daknông dê. Bơh ală broă lơh ngan ngồn, rùp să cau ling wa Hồ Tây Nguyên sơlơ àng gơcrà, pơgồp bơnah sơlơ tơnguh rlau tai git gơp tam klac lơh bơyô đah 2 jơi bơtiàn, 2 ling klàng.

                     Cau cih mờ yal tơnggit K’Duẩn