VOV4.K’ho - Ngai 30/7, tàm Hà Nội, gah jăt yàng Gơnoar atbồ lơgar neh bơyai lơh tơnkah 60 nam ngai crơng gơs (02/8/1955-02/8/2015) mờ dờp gai lòng Độc lập khà 1. Tàm dơ\ tơnkah, ồng Vũ Đức Đam, kuang jăt jơng gơs gơnăp gơnoar atbồ hờ đang rơlao jơh dà lơgar neh jàu gai lòng Độc lập khà 1 gah jăt yàng Gơnoar atbồ lơgar in mờ đơs loh: neh rơlao 60 nam tơnguh bơtàu mờ gơs dờng pràn, gah sền gàr dà lơgar bè jăt yàng sùm geh gơnoar kuơ màng tàm broă lơh jăt broă jăt yàng Đảng, Dà lơgar dê, pơgồp bal tàm broă tơnguh mpồl tam klăc jơi bơtiàn kòn cau; sền gàr niam bơta lơngăp lơngai dà lơgar, tơnguh bơtàu lơh sa – mpồl bơtiàn dà lơgar dê. Đơs niam nùs nhơm jăt yàng tus mờ broă lơh rài kis mpồl bơtiàn geh prăp gàr, tơnguh ală bơta niam kòn cau dê, ồng Vũ Đức Đam đơs: “Jăt yàng là broă kờ` nùs nhơm bơh gal làng bol dê. Gơnoar bơh gah sền gàr dà lơgar bè jăt yàng kuơ màng ngan. Kơnòl geh ai là kal ke ngan, den tàng kuang bàng lơh broă gah jăt yàng pal tơnguh nùs nhơm ngăc ngar kờ` lòt bal mờ tam pà bal tus mờ tơl bơta chờ, bơta kal ke làng bol jăt yàng dê; ai tơl bơta niam kờ` ală gah jăt yàng lơh broă di adăt boh lam; kờ` ală gah jăt yàng pơgồp bal niam tàm broă tơnguh mpồl tam klăc gùt jơi bơtiàn kòn cau di bè kơrnoăt sồ 25 bơh mpồl đơng lam Đảng dà lơgar kơnă 9 neh ai tơl^k”.

Cau mblàng Ndong Brawl