VOV4.K’ho – Mho òr 15/01, tàm Hà Nội, Gah kă bro mờ lơh sa mờ mai\ mok dà lơgar bơyai lơh pơrjum tàm internet tơn jơh broă lơh nam 2015, mut lơh kơnòl broă nam 2016 bơh mpồl atbồ drà kă bro, tàm 3 anih là Hà Nội – Đà Nẵng mờ [òn dờng Hồ Chí Minh.

Tàm dơ\ pơrjum, ồng Nguyễn Xuân Phúc kuang jat jơng gơs gơnap gơnoar atbồ hơđang rlau jơh dà lơgar đơs tờm, gùng dà broă lơh bơh Đảng mờ dà lơgar dê bè tam dră kă bro phan pồn tă dia, phan ờ ngan là ringbal mờ krà` cê ngan, ngan là tàm tơngai mut gơ rờm bal, kờ` lơh geh anih kă bro ringbal, sền gàr broă lơh sa, sền gàr cau ngui sa. Bè broă rơcang sơndră kă bro kơ`au jràu chu, ồng Nguyễn Xuân Phúc jờng rơ mpồl lơh broă geh gơnoar mờ ală tiah neh mut lơh geh cồng nha kơrnuat sồr sồ 30 bơh kuang gơs gơnap gơnoar atbồ hơđang rlau jơh dà lơgar dê, lơh tơmù 30% khà jràu chu blơi ko`au bơh lơgar ndai, tàm hơ\ mpồl atbồ drà kă bro neh pơgồp bơnah kùp mờr 2 tơlak kơldung jràu. Ồng Nguyễn Xuân Phúc sồr pal geh tam gơl bè atbồ drà kă bro nàng tă pơgồp kuơ màng kơryan kă  bro phan pồn tă dia, phan ờ ngan. Tềng đap mat, dơ\ sa tềp bơhiàn, mpồl atbồ drà kă bro gùt lơgar pal mut lơh ringbal ală broă lơh rơcang sơndră kă bro phan pồn tă dia, blac pơr lồm kă bro, tàm hơ\ tơr gùm tàm ală tiah gơlik geh kal ke.

                                                                     Cau cih mờ yal tơngit K’ Duẩn.