VOV4.K’ho – Gah kă bro mờ lơh sa mờ mai\ mok dà lơgar pa tơlik kơrnuat bè broă mut lơh ală broă lơh gàr ring niam jơnau kờ`, khà tac, gàr niam drà kă bro lồi nam 2016 mờ dơ\ sa tềp Đinh Dậu 2017. Jat mờ hơ\, nàng gàr ring niam jơnau kờ` mờ khà tac ală bơta phan bơna kuơ màng, pơgồp bơnah tơmù dimơ bơta gơmù bơngă khà priă, gàr kơ\ broă lơh sa dờng, gàr tơl niam rài kis mpồl bơtiàn, Gah kă bro mờ lơh sa mờ mai\ mok dà lơgar sồr Gah kă bro mờ lơh sa mờ mai\ mok ală càr, [òn dờng di dà lơgar sền khà tac, jơnau kờ` ngui phan bơna, ngan là ală bơta phan bơna kuơ màng tàm tiah mờ he atbồ; ờ lời gơlik geh bơta ờ tơl phan, jơh phan halà jơngkah phan tơnơ\ sa tềp; mut lơh ală broă lơh gàr niam drà kă bro… Bal mờ hơ\, Gah do kung sồr ală gah, mpồl lơh broă geh gơ rềng, bơyai lơh ală broă lơh tam klac broă tac phan đah ală anih lơh gơlik phan sa neh geh dờp sră cơng tàng mut ngui broă lơh niam; sră cơng tàng là anih geh tơl bơta bè ờ do ờ dă phan sa nàng tac mờ yal làng bol in ală bơta phan sa kloh niam, ờ do ờ dă.

             Cau cih mờ yal tơnggit K’ Duẩn.