VOV4.K’ho – Uă jơnau cih tàm ală Kơrnoat bơto pơlam, kơrnoat geh gơrềng tus broă lơh kă bro mờ lơh sa mờ măy mok tơrgùm tàm broă lơh kă bro dờng dềt,  broă lơh kă bro gam là bơta kơryan mờ kờn pal geh lơh tam gơl wơl nàng lơh geh bơta [ươn [oài ai mpồl lơh sa kă bro in. Do là jơnau đơs geh đơs tàm Pơrjum ai jơnau đơs tă pơgồp bè jơnau cih sră nggal dà lơgar gah kă bro mờ lơh sa mờ măy mok nam 2016 bơyai lơh ngai òr 27/9 tàm Hà Nội. Ală mpồl lơh sa kă bro neh yal uă bơta ờ suk, bơta kòl yan kal ke tài bơh ală jơnau cih bơh kơrnoat boh lam gah kă bro mờ lơh sa mờ măy mok dê, geh ală jơnau sồr uă ir mờ sùm tơrgùm tàm broă kă bro dờng dềt, lơh gơlik bơta kal ke tus broă lơh sa, kă bro bơh mpồl lơh sa kă bro dê. Pơnyơu bè Kơrnoat sồ 109 bè tăc phe mờ lơgar ndai, sồr anih prăp phe pal ơn prăp geh e\t ngan rlau jơh là bơh 5 rbô tấn. Kơrnoat sồ 83 bè kă bro xang zờu kung geh uă jơnau sồr kal ke ngan, mìng lời ai ală mpồl lơh sa kă bro dờng in lơm. Kơrnoat bơto pơlam sồ 20 bè blơi rơndeh dờng mờ lơgar ndai neh jơh tơngai ai ngui mơya ờ hềt geh sră nggal tàm ala…

Ồng Trần Quốc Khánh, Kuang jat jơng atbồ Gah Kă bro mờ lơh sa mờ măy mok dà lơgar

Pơndu\t pơrjum, kuang bàng đơng lam Gah Kă bro mờ lơh sa mờ măy mok dà lơgar đơs tờm, ală gùng dà broă lơh kơrnoat boh lam bơ\t bơtàu pal lơh geh tơl uă jơnau kờn krơi is. Gah Kă bro mờ lơh sa mờ măy mok dà lơgar geh sền sơ wì wơl dùl bă tơl làm nàng sang te\ ală jơnau sồr bè broă dờng dềt kă bro tàm ală broă ờ duh kờn pal lơh.

Cau cih mờ yal tơngi\t- Lơ Mu K’ Yến