VOV4.K’ho – Tàm 2 ngai 1 mờ 2/11, tàm [òn dờng Dà Làc, càr Lâm Đồng, Mpồl lơh broă gùng dră bal Kuang àng làng bol di Gah Kuang àng dà lơgar bơyai lơh pơrjum bơto pơlam broă lơh gùng dà broă lơh bơh gơnoar atbồ lơgar dê, sền gàr rềs àr mpồl bơtiàn mờ kham sơm kòp ờ sa priă mờ broă lơh rơndăp tăp sèng kuang bàng nam 2016 ai rlau 800 nă kuang bàng, cau ling tàm gah kuang àng tàm gùt lơgar in. Tàm dơ\ pơrjum, ală cau ala mat neh geh iat yal ală jơnau yal mờ cribơyai bàr pe bơta bè kham sơm kòp ờ sa priă tàm gah kuang àng; broă lơh mu\t lơh kham sơm kòp ờ sa priă gơ wèt tus mờ sỹ quan, hạ sỹ quan, cau ling kuang àng làng bol…Di tàm dơ\ do, Kuang gơs gơnăp gơnoar atbồ hơđang rlau jơh dà lơgar neh pà Sră jờng rơ ai 1 mpồl cau in; Gah Kuang àng dà lơgar pà Sră jờng rơ ai 82 mpồl cau mờ 52 nă cau in; Sền gàr rềs àr mpồl bơtiàn Việt Nam pà Sră jờng rơ ai 16 mpồl cau mờ 43 nă cau neh geh uă cồng nha jak ngan tàm broă lơh gùng dà broă lơh gơnoar atbồ lơgar dê, sền gàr rềs àr mpồl bơtiàn mờ kham sơm kòp ờ sa priă mờ broă lơh rơndăp tăp sèng kuang bàng tàm gah kuang àng làng bol tàm tơngai lài.

Cau cih mờ yal tơngi\t- Lơ Mu K’ Yến