VOV4.K’ho - Drim òr (07/1), tàm Hà Nội, Gah kuang àng dà lơgar bal mờ Gah sền gàr dà lơgar neh bơyai lơh pơrjum tơn jơh 5 nam lơh jăt kơrnoăt sồ 77 bơh Gơnoar atbồ lơgar dê bè broă pơgồp bal bơh 2 Gah do dê tàm broă lơh jăt kơnòl sền gàr bơta lơngăp lơngai dà lơgar, gàr niam bơta ờ do ờ dă mpồl bơtiàn mờ kơnòl sền gàr dà lơgar.

Tàm jơnau đơs tơnjơh pơrjum, Đại tướng Đỗ Bá Tỵ, kuang jăt jơng atbồ Gah sền gàr dà lơgar neh sồr, tàm tơngai tus, 2 mpồl ling geh pơgồp bal nền nòn, g^t nền nòn ală bơta, lơh jăt nền nòn ală rơndăp broă tu\ lơi kung rơcang tam lơh sền gàr ală broă lơh gùng dră bal kuơ màng dà lơgar dê, ală ngai chờ, satềp dà lơgar. Tềng đăp măt, 2 gah tơrgùm lơh jăt rơndăp broă sền gàr pơrjum dờng Đảng gùt lơgar dơ\ 12, satềp Bính Thân nam 2016, te\ khà Gơnoar ala măt dà lơgar kơnă 14 mờ mpồl duh broă ala măt làng bol ală kơnă tơngai bơh nam 2016 tus 2021. 2 mpồl ling pơgồp bal nền nòn tàm broă kơlôi sơnơng ală bơta, yal lài broă lơh, di tu\ ai tơl^k jơnau tus mờ Đảng, Dà lơgar, Gơnoar atbồ lơgar in ală broă lơh, bơsong mờ kơrian nùs nhơm pơlơ\ dră, lơh gơl^k geh bơta ờ niam bơh ală mpồl dră wơl, pơgồp bal lơh mờ bơsong ală bơta gơl^k geh tàm dà lềng, tiah nhàr dà lơgar mờ tàm dơlam dà lơgar; lơh geh anih sền gàr dà lơgar gùt làng bol pơgồp bal mờ broă gùt làng bol sền gàr bơta lơngăp lơngai kơl jăp.

       Cau cih mờ yal tơng^t Ndong Brawl