VOV4.K’ho – Drim òr 05/04, tàm Hà Nội, Thượng tướng Lê Quý Vương kuang jat jơng atbồ Gah Kuang àng dà lơgar geh dơ\ wa\ Mpồl kuang bàng Anih duh broă sền gròi ma tuý Anih duh broă dunia dê bơh mò Jagjit Pavadia lơh kuang atbồ mpồl lam bồ, gam còp mờ lơh broă tàm lơgar he.

Tàm dơ\ wa\, Thượng tướng Lê Quý Vương neh yal mờ mpồl in ală cồng nha tàm broă lơh tam dră wơl mờ cau lơh tìs ma tuý, tàm hơ\ Gah Kuang àng dà lơgar là anih lơh broă sùm rơcang sơndră ma tuý; kung bè ală broă lơh gơs niam tơl ală kơrnoat boh lam bè rơcang sơndră ma tuý, tam dră cau lơh tìs bè ma tuý, rề ơnàng tam klac lơh broă bal mờ dunia bè rơcang sơndră ma tuý…Thượng tướng Lê Quý Vương đơs là, tu\ do bơta cau lơh tìs bè ma tuý tàm Việt Nam kung gam gơbàn kal ke ngan mờ geh sùm ală jơnau ờ gơtùi gi\t lài. Den tàng bè hơ\, Gah Kuang àng dà lơgar Việt Nam sồr Anih duh broă sền gròi ma tuý Anih duh broă dunia dê pơn jat tai lời ai Gơnoar atbồ lơgar, làng bol mờ Gah Kuang àng dà lơgar Việt Nam in bơta dong kờl jơh nùs tàm broă tơnguh jơnhoa pràn jak lơh jat kơrnoat boh lam, bơto pơlam bè gùng dà broă lơh, dong kờl phan ngui lơh broă…mơkung dong kờl uă broă lơh tàm broă lơh tam dră mờ sền gròi ma tuý tàm tơngai tus.

Cau cih mờ yal tơngi\t- Lơ Mu K’ Yến