VOV4.K’ho - Drim òr 04/03, tàm [òn dờng Buôn Ma Thuột, càr Dak Lak,  gah lơh broa\ sùm Mpồl đơng lam Tây Nguyên neh geh bùi lơh broa\ mờ ờ ua\ anih lơh bao\ Dà lơgar tàm Tây Nguyên mờ càr Dak Lak nàng yal jơnau bè tơnggu me ala\ broa\ lơh tìp mat, jờng, lam sồr ala\ cau geh bơnga\ tàm làng bol kòn cau, ala\ cau geh gơnoar, cau dong broa\ gah jat yàng pơnrơ tàm Tây Nguyên. Do la broa\ lơh gơ ơm tàm ala\ broa\ lơh tơng kah 40 nam tam lơh pha lin Buôn Ma Thuột, tơng klàs càr Dak Lak, dơ\ lơh chờ kơphe Buôn Ma Thuột dơ\ V. Ồng Trần Việt Hùng kuang jat jơng atbồ lơh broa\ sùm mpồl đơng lam Tây Nguyên ai git, ngai 9 tus, mpồl đơng lam Tây Nguyên geh bơyai lơh tìp mat 101 na\ cau ala mat mờ 43 na\ cau ơla mat geh gơnuar tàm broa\ yàng pơnrơ tàm Tây Nguyên. Tàm bùi lơh broa\, ồng Trần Việt Hùng sồr ala\ anih lơh broa\ gah bao\ geh mblàng pơlam dờng màng,  go\ ngan mờ geh lơh ua\ srơh ala\ cau lơh broa\ geh bơnga\ , pin dờ` tàm làng bol kòn cau, cau geh gơnoar lơh broa\ yàng pơnrơ nàng geh pơ gồp bal mờ ling klàng, làng bol ala\ kòn cau Tây Nguyên bơt bơtàu Tây Nguyên slơ ngai slơ pas niam, kơljap, gơguh jak.