VOV4.K’ho- Jat jơnau yal bơh Bộ Nông nghiệp mờ Phát triển Nông thôn dê, tàm nhai 11 nam 2020, pria\ lơh geh bơh tăc mờ lơgar ndai phan lơh geh sươn sre kờp du\ geh mờr 3 tơmàn 720 tơlak dolar Mỹ. Ua\ phan bè bia\p, plai đo, kơphê, gar điều, ală phan bơh dơm chi mờ phan lơh bơh dơm chi neh lơh geh pria\ rlau 2 tơmàn dolar Mỹ.

Bè hơ\, bulah kal ke tài bơh kòp Covid-19 lơh gơbàn ua\ bơta gơ rềng jơh bal tàm lơgar mờ tàm dunia, tăc mờ lơgar ndai phan lơh geh bơh sươn sre kung gam gơguh sơl, lơh ngan jơh nam do, gùt gah lơh sa sươn sre lơh geh rlau 41 tơmàn dolar Mỹ bơh broă tăc phan mờ lơgar ndai. Pơn rơ bè Công ty Cổ phần phan ngui sa tăc mờ lơgar ndai Đồng Giao tàm Ninh Bình, tàm tơngai do broă lơh sa, tăc ală phan bơna mờ lơgar ndai kung gam lơh broă bè ờs. Ală dơ\ rơndeh dờng pơn diang kơn jơ\ phan tăc mờ lơgar ndai sùm lik mut tàm Công ty, pơn diang phan tus tiah tơr gùm bal, tăc tàm gùt dunia.

Cau mblàng K’ Hạnh