VOV4.K’ho -  Di dơ\ wa\ rò sơnam pa sa Tềp bơhiàn Ất Mùi 2015, gah lơh sơnơm càr Dak Lak pa lam lòt còp, pà phan mờ nting săp sa tềp kuang bàng, cau ling tàm Pôs đồng ling sền gàr tiah nhàr lơgar 747 la mpồl ling lơh oh mi bal uă nam sùm bơh gah lơh sơnơm càr Dak Lak dê. Tàm dơ\ lòt còp, mpồl lơh broă neh iăt ala măt kuăng đơng lam Pôs đồng ling sền gàr tiah nhàr lơgar 747 yal ờ uă cồng nha pơn rơ ngan bơh mpồl ling dê tàm nam 2014; kuơmàng là bơta lơh kơ\ kơl jăp tiah lơh pôs đồng, sền gàr niam rài kis kuang bàng mờ cau ling dê. Mpồl sùm lơh broă bal niam mờ gơnuar atbồ tàm tiah do atbồ niam ală bơta tàm rài kis mpồl bơtiàn bơh làng bol dê, ngan là broă lơh sền gàr bơta ngăp lơngai tiah nhàr lơgar sùm geh Pôs đồng ling sền gàr tiah nhàr lơgar 747 sền dờng màng, lơh gơs niam kơ nòl broă geh jàu. Kuang bàng mờ cau ling bơh Pôs đồng dê sùm lơh ngan, bơsram tàp nàng dipal mờ sră jờng rơ Cau ling Wa Hồ, là cau bơ yô rềp mềl ngan bơh làng bol mờ gơnuar atbồ tàm tiah lơh broă dê....