VOV4.K’ho- Tềng đap bơta gơlik geh kal ke bơh mìu càl rơbu\t dờng ală ngai do, Công ty Ồs đèng Dak Nông neh đơng lam ală mpồl lơh broă gơ wèt gah lơh broă do ai mpồl lơh broă lam lài, rcang lài phan bơna, rơndeh rơn dồ rcang lài, rcang lài sơn dră mờ bơsong mhar ngan rlau jơh ală bơta hoàc huơr bè gùng che ồs đèng, khà đèng, gàr tơl ai đèng ờ do ờ dă ai năc in tàm ù tiah càr dê. Công ty kung pơgồp bal niam ngan mờ ală mpồl lơh broă ală tiah, rcang lài ală gùng dà broă lơh rcang sơn dră trồ tiah lơh aniai mờ dong kờl rềs às; jat sền niam bơta gơlik geh bơh mìu càl rơbu\t dờng mờ dà ko\ dà cò nàng rcang sơn dră, bơsong di tu\ ală bơta gơlik geh.

PC Dak Nông rcang lài rcang sơn dră mìu càl rơbu\t dờng, dà ko\ dà cò

Lài hơ\, Ồs đèng Dak Nông neh lơh jat broă lòt sền, kờp sền jơh gùng che ồs đèng, bơsong ală bơta gam ờ niam geh pơhìn roh bơta ờ do ờ dă; mơ kung lơh pràn broă mblàng yal mờ pơlam làng bol in ngui đèng ờ do ờ dă mờ sền gàr gùng pleh gùng che ồs đèng cao áp dê tàm kàl mìu.

Công ty kung tơngkah làng bol ba` ơm dòp mìu tềng hơ đơm ală broă lơh đèng dê; ba` bư tu\p tàm jrong đèng, che ồs đèng tàm tơr bo\ bal tàm ù; tơn chơ\t tơn đèng bơh hìu bơnhă dê tu\ geh bơta pơ hìn ngơr bam dà, dà ko\ dà cò, ba` lơh niam is gùng che ồs đèng; phan ngui đèng đah bơdìh nàng gàr niam bơta ờ do ờ dă tàm kàl mìu, dà ko\ dà cò.

Cau mblàng K’ Hạnh