VOV4.K’ho - Drim òr (09/12), tàm Hà Nội, Gah rơndăp broă mờ bơcri priă dà lơgar neh bơyai lơh tơnkah 70 nam ngai crơng gơs mờ dờp gai lòng Hồ Chí Minh dơ\ 2. Đơs tàm dơ\ tơnkah, mò Nguyễn Thị Doan, kuang jăt jơng atbồ lơgar neh đơs niam ală broă pơgồp bal kuơ màng geh nùs nhơm sơlèt pràn bơh gah rơndăp broă mờ bơcri priă tàm ală tu\, rài kuơ màng, kal ke dà lơgar dê mờ ală broă pơgồp bơh gah lơh broă do dê tàm broă tam gơl pa nùs nhơm kơlôi sơnơng lơh sa, pơlam bơ\t bơtàu mờ lơh gơs kơrnoăt lơh sa kă bro wèt jăt gùng dà xã hội chủ nghĩa. Broă sền gàr bơcri priă dà lơgar, tơmù ală bơta bơcri priă ờ ndrờm bal, dồs dà lơgar tàm broă bơcri priă, tơnguh cồng nha bơcri priă, hòi jà mờ lơh geh cồng nha khà priă ODA neh tơl^k broă lơh sơlèt pràn bè nùs nhơm kơlôi sơnơng, bơta dờng pràn mờ tơnguh bơtàu kơl jăp gah rơndăp broă mờ bơcri priă dê tàm tơngai tơnguh bơtàu pa dà lơgar dê. Chờ gờm mờ pơn jờng ală broă lơh ngan bơh gùt gah rơndăp broă mờ bơcri priă tàm tơngai do, mò Nguyễn Thị Doan neh đơs tòm: dà lơgar neh mờ gam tơrgùm uă tàm tiah do mờ dunia bal mờ uă kal ke mờ tơlòng pa. Gah rơndăp broă mờ bơcri priă geh gơnoar kuơ màng tàm broă tơnguh bơtàu dà lơgar dê.

        Cau cih mờ yal tơng^t Ndong Brawl