VOV4.K’ho - Drim òr (17/8), tàm Hà Nội, gah sền gàr dà lơgar neh bơyai lơh pơrjum tơn jơh boă lơh bal mờ lơgar ndai gah sền gàr dà lơgar tơngai bơh nam 2010 tus 2015 mờ tơn jơh 2 nam lơh jăt kơrnoăt sồ 806 bơh mpồl duh broă Đảng ling klàng bè broă tơrgùm bal mờ dunia mờ lơh broă bal mờ lơgar ndai bè sền gàr dà lơgar. Tàm pơrjum, Đại tướng Ngô Xuân Lịch, kuang atbồ gah sền gàr dà lơgar neh pơn jờng broă lơh ngan bal mờ ală broă pơgồp bal kuơ màng bơh broă lơh bal mờ lơgar ndai gah sền gàr dà lơgar dê tàm broă bơ\t bơtàu mờ sền gàr dà lơgar. Ồng Ngô Xuân Lịch sồr: tàm tơngai tus, pal pơn jăt tai lơh jăt mờ lơh geh cồng nha kơrnoăt sồ 806 bơh mpồl duh broă Đảng ling klàng dà lơgar dê bè broă tơrgùm bal mờ dunia mờ lơh broă bal mờ lơgar ndai gah sền gàr dà lơgar dê. Chồl pràn rơlao tai broă kơlôi sơnơng mờ yal lài broă lơh, geh nùs nhơm tơrgùm bal mờ geh broă lơh nền nòn, tàm hơ\ ală broă gơl^k geh mờ broă lơh pa; ai tơl^k ală bơta gơbàn geh; yal lài jăt broă tơnguh bơtàu. Kuơ màng là sền broă tơrgùm bal mờ dunia mờ broă lơh bal mờ lơgar ndai bè sền gàr dà lơgar là gùng dà, broă lơh di pal, là rơndăp broă sền gàr dà lơgar bơh ngài.

                  Cau cih mờ yal tơng^t Ndong Brawl