VOV4.K’ho – Mho òr, 19/8, tàm Hà Nội, Anih duh broă Gah tề lam gùng dră bal dà lơgar Việt Nam tìp mat tơngkah 70 nam pha lin kac màng nhai 8 mờ sơntờm dà lơgar ngai 2/9 mờ tơngume “ Jơnau kah kir dơ\ tàu tam lơh dờng tàm Hà Nội” nàng ràng tơlik nùs nhơm kah ưn ngài tus mờ ală kuang đơng lam bồ, ală kuang bàng dờng sơnam, là ală cau lơh gơs tơn kac màng nhai 8, ală cau neh geh tă pơgồp dờng màng ngan tàm broă lơh kac màng jơi bơtìan dê. Tàm dơ\ tìp mat, ală cau sền go\ tơngai kah yau neh yal wơl jơnau kah kir bè kac màng nhai 8, bơh broă Việt Minh ai anih prap ơn kòi phe bol sò tơm Nhờk dê pà hìu nhă rơbah in, pìt ai anih prap ơn phàu crong Nhờk dê, gơsơt bol lơh broă sền gròi ờm, cau blac…tus broă gùt làng bol mù tàm gùng tơrgùm să kờ` dong kờl kac màng, kờ` dong kờl Việt Minh. Bơh hơ\ lơh geh tơngai niam ngan nàng mut lơh tàu tam lơh dờng ai geh gơnoar atbồ. Ală cau sền go\ tơngai kah yau bơh 70 nam lài dê kung đơs tờm, kac màng nhai 8 pha lin là kơnờm tam klac geh gùt làng bol. Bal mờ hơ\, jơnau bơsram geh bơh kac màng nhai 8 dê là kờ` tàu tam lơh geh pha lin den bơdìh mờ tơngai bol sò tơm gơprah gơpring, Đảng lam lài, den làng bol kung pal jat kac màng.

                                                         Cau mblàng K’ Duẩn.