VOV4.K’ho – Drim òr 5-5, tàm [òn dờng Nha Trang, càr Khánh Hòa, hìu bơsram dờng ling dà lềng, mpồl ling dà lềng bơyai lơh dờp sră wac sềr ù tiah, sră nggal “ Hoàng Sa, Trường Sa lơgar Việt Nam dê, ală cơng tàng kah yau mờ adat boh lam” bơh Gah yal tơngit mờ mblàng jơnau dà lơgar jàu pà. Ồng Trương Minh Tuấn kuang jat jơng atbồ Gah yal tơngit mờ mblàng jơnau dà lơgar ala mat gah do pà jàu rlau 100 pang sră wac sềr ù tiah, sră nggal ai hìu bơsram dờng dà lềng in di Mpồl ling dà lềng lơgar Việt Nam. Do là dùl bơnah tàm khà ală sră nggal geh tơrgùm bơh ală cau kơlôi sơnơng, cau jak chài tàm lơgar mờ dunia, geh rơndap tap sèng gơs 4 mpồl. Ală sră nggal geh bơta kuơ kah yau mờ adat boh lam pràn ngan tàm broă đơs tờm mờ lơh cơng Việt Nam neh geh gơnoar tờm tus mờ 2 bồt dờng Hoàng Sa mờ Trường Sa bơh gờ` ngan, mờ gùng ngap lơngai mờ geh ală rài atbồ lơgar lài do sùm mut ngui mờ sền gàr gơnoar tờm tus mờ 2 bồt dờng do. Uă sră nggal, sră wac sềr ù tiah bơh ală lơgar Phương Tây mờ bơh lơgar Lo yal git nđờ rhiang nam do ai go\, Lo ờ geh gơnoar tờm tus mờ 2 bồt dờng Hoàng Sa mờ Trường Sa.