VOV4.K’ho – Mho òr, 21/9, tàm Hà Nội, Gah yal tơngit mờ mblàng jơnau dà lơgar mut ngui anih yal jơnau tơngit ASEAN Việt Nam. Do là jơnau tơngkah 20 nam ngai lơgar Việt Nam mut tàm mpồl ASEAN ( 1995 – 2015) mờ lơh jat nam Mpồl bơtìan ASEAN 2015. Anih yal jơnau tơngit ASEAN Việt Nam geh 3 mat sơnđan ngan ngồn là aseanvietnam.vn, vietnamasean.vn mờ asean.vietnam.vn. Tàm dơ\ bơyai lơh, ồng Nguyễn Bắc Son, kuang atbồ Gah yal tơngit mờ mblàng jơnau dà lơgar đơs tờm: Broă bơt bơtàu mờ mut ngui anih yal jơnau tơngit ASEAN Việt Nam là dùl broă lơh ngan ngồn mờ geh kuơ tàm broă mblàng jơnau, tơnguh git wă bè ASEAN, chul chồl ală jơnau bơceh pa, broă lơh ngan bơh làng bol mờ mpồl lơh sa kă bro dê, sơmbat tê bal bơt bơtàu mpồl bơtìan ASEAN ngap lơngai, bơtàu tơnguh mờ pas sơm. Anih yal jơnau tơngit ASEAN Việt Nam geh dà đơs mờ dà yoan, dà Mỹ, tàm hơ\ geh ală jơnau: Yal tơngit bè ASEAN, jơnau yal tơngit – broă geh bơyai lơh; jòi jơnau tơngit, tơngume tờm mpồl bơtiàn tàm hơ\ geh mpồl sền gàr ngap lơngai gùng dră bal, mpồl bơtiàn.

                                                                              Cau cih mờ yal tơngit K’  Duẩn.