VOV4.K’ho- Tơ nơ\ tu\ lơh geh cồng nha Pơrjum dờng dơ\ 13 bơh Đảng dê, gah lơh ba\o dunia neh dơ\ le\ bal đơs, Việt Nam geh pơn jat tai gùng dà bơtàu tơnguh bơh he dê mờ geh lơh geh ală cồng nha bè neh lơh cơng tàng tàm ală nam lài. Gah yal tơng^t jơnau  Bloomberg geh jơnau cih mờ tơngume “Việt Nam geh pơn jat tai gùng dà bơtàu tơnguh mờ he neh săc rơ wah”. Jơnau cih đơs, broă\ sac rơ wah ală Kuang bàng bơh Bộ Chính trị dê, ngan là bơta pin dờn pồ wơl tai ồng Nguyễn Phú Trọng, Tổng Bí thư, Chủ tịch lơgar tơngo\ bơta kơ\ dơn nùs nhơm bơh Việt Nam dê tàm gùng dà bơtàu tơnguh tàm ală nam tus. Sră ba\o tiah ASEAN đơs, dùl tàm ală cồng nha digơlan neh “lơh geh tềl lời wơl kuơ màng” tàm tơngai lơh broă dơ\ 12  dê là broă lơh rcang sơn dră sa kuề sa kùa “ờ geh tiah kơryan”.

Di dơ\ Pơrjum dờng cau ala măt gùt lơgar dơ\ XIII bơh Đảng Cộng sản dà lơgar Việt Nam dê lơh geh cồng nha niam bơne\, gah mblàng yal jơnau lơgar Nhờk dê neh yal jơnau tơngi\t, jơnau cih đơs bè dơ\ tơn jơh pơrjum tàm ngai 01/02, kuơmàng là ồng Nguyễn Phú Trọng Tổng Bí thư geh tơlik măt te\ khà tai mờ đơs sùm broă pơn jăt tai lơh pràn broă lơh rơcăng sơndră sa kuề sa kùa.

Gah pờ tơlik jơnau đơs mờ sơ`io rùp NHK yal tơngi\t jơnau tàm pơrjum dờng dơ\ do, Việt Nam neh ai tơlik ală gùng dà broă lơh pa bơtàu tơnguh dà lơgar mờ pồ geh ală kuang bàng đơng lam bồ pa. Báo Asahi kung cih yal tơngi\t jơnau bè Pơrjum dờng cau ala măt gùt lơgar dơ\ XIII bơh Đảng he dê tơn jơh, tàm hơ\ đơs sùm tơngai lơh broă tus, Việt Nam geh tơrgùm tàm broă rơcăng sơndră sa kuề sa kùa, kơryan lơh bơtờp bơh kòp Covid-19 dê mờ bơtàu tơnguh lơh sa tàm bơta gơbàn kòp. Pang báo điện tử Jiji Press đơs là, ồng Nguyễn Phú Trọng Tổng Bí thư Đảng Cộng sản dà lơgar Việt Nam neh geh uă đảng viên tàm Đảng dùl nùs bal tài bơh ală nam do neh đơng lam geh cồng nha broă gàr khà gơguh lơh sa uă mờ kơryan geh cồng nha kòp dờng Covid-19.

Cau mblàng Lơ Mu K’ Yến mờ K’ Hạnh