VOV4.K’ho- Bộ Y tế pa yal, tus 6 jiơ drim do 7/8, Việt Nam geh tai 3 nă cau bơtờp pa kòp Covid-19. Tàm hơ\, tàm càr Quảng Trị là 2 nă, Thanh Hoá là 1 nă, gơrềng tus Đà Nẵng. Kờp tus 6 jiơ drim ngai 7/8, Việt Nam geh jơh ală là 750 nă cau bơtờp kòp Covid-19, tàm hơ\ 312 nă cau bơtờp mu\t bơh lơgar ndai geh ai ơm yah ngài tơn.

Khà cau bơtờp pa gơrềng tus Đà Nẵng kờp bơh ngai 25/7 tus tu\ do là 298 nă. Kờp jơh khà cau ơm rềp mờ mu\t bơh lơgar ndai bơh tiah geh kòp gam geh ai ơm yah ngài là 178 rbô 451 nă, tàm hơ\: ơm yah ngài tơrgùm dùl anih tàm hìu sơnơm là 5 rbô 870 nă. Ơm yah ngài tơrgùm bal tàm ală anih ndai là 24 rbô 106 nă. Ơm yah ngài tàm hìu, tiah ơm kis là 148 rbô 475 nă.

Jăt jơnau yal bơh Mpồl sơm kòp gơ wèt Mpồl đơng lam dà lơgar rcăng sơndră kòp Covid-19 dê: Khà cau bời dơ\ dùl mờ virus Sars CoV-2 là 22 nă; Khà cau bời dơ\ 2 rlau hơđang mờ virus Sars CoV-2 là 11 nă; Khà cau chơ\t là 10 nă; khà cau geh sơm bời kòp là 392 nă.

Cau mblàng Lơ Mu K’Yến