VOV4.K’ho- Ngai òr 16/5, tàm càr Cao Bằng, Bộ Công thương Việt Nam bơyai lơh Pơrjum tàm tơrbo\ cau kă bro phan lơh gơs bơh sươn sre brê bơnơm phan tàm dà lơgar Việt Nam dê tus mờ drà kă bro lơgar Lo.

Ki\ hơ kă bro phan lơh gơs bơh sươn sre đah 2 lơgar Việt Nam mờ Lo

Lơgar Lo là lơgar kă bro 2 gah dờng ngan rlau jơh bơh lơgar Việt Nam dê, priă geh bơh kă bro đah 2 gah sùm gơguh uă mờ khà kờp bal pơgăp 30% dùl nam. Mơya, tơngai lài, broă kă bro phan lơh gơs bơh sươn sre, brê bơnơm, phan tàm dà bơh ală mpồng nhàr lơgar đah Việt Nam mờ Lo gam bàr pe bơta kal ke, kòl yăn. Hơ\ là broă atbồ, đơng lam mờ rơndăp tăp sèng phan bơna kă bro tàm broă kă bro tiah nhàr lơgar gam uă bơta ờ hềt niam; phan bơna ală tiah mpồng nhàr lơgar ờ hềt ring bal, bàr pe gùng dà broă lơh gơrềng tus kă bro phan lơh gơs bơh sươn sre mờ lơgar ndai ờ hềt lơh geh bơta [ươn [oài ai mpồl lơh sa kă bro in…Tàm dơ\ pơrjum, ală kuang bàng sồr, ală tiah kờn pal lơh geh tơl ală bơta dong kờl chul chồl mpồl lơh sa kă bro; Rơcang lài đơng lam bơnah phan kă bro mờ lơgar ndai, di tu\ gi\t geh broă gơlik geh bè sră nggal kă bro mờ lơgar ndai biăp plai chi, bơkàu, phan lơh gơs bơh sươn sre tàm kàl tờm, pleh lời gơkòl uă phan bơna kă bro…Mơkung dong kờl ală mpồl lơh sa kă bro bơh 2 lơgar sơlơ lơh broă bal mờ tàm tơrbo\ bal, bơyai lơh ală anih kă bro uă tàm drà kă bro tàm lơgar. Tàm dơ\ pơrjum kung geh lơh Dơ\ ki\ sră nggal cih kah đah Sở Công thương càr Cao Bằng mờ Cục Thương vụ [òn dờng Bách Sắc, càr Quảng Tây, lơgar Lo mờ ki\ jơnau ring bal đah bàr pe mpồl lơh sa kă bro bơh 2 lơgar Việt Nam mờ Lo dê. Tu\ do, mpồl lơh sa kă bro lơgar Lo gam bơcri priă lơh tiah blơi plai chi ris bal mờ bơnah blơi pơgăp 8000 tấn pah ngai rơcang blơi phan bơh Việt Nam bơh nhai 8 tus do.

Cau cih mờ yal tơngi\t- Lơ Mu K’Yến