VOV4.K’ho - Mùl màl chờ gờm tơnkah 86 nam ngai crơng gơs mpồl ơruh pơnu dà lơgar (26/3/1931-26/3/2017), anih lơh broă ơruh pơnu, kơnòm pa tào mờ kơnòm dềt càr Dak Nông neh bơyai lơh poh chài rơgơi-tàp pràn să jan ơruh pơnu, kơnòm pa tào mờ kơnnòm dềt ală jơi bơtiàn kòn cau càr Dak Nông dơ\ 8, nam 2017. Poh chài rơgơi neh hòi jà geh rơlao 600 nă cau tus bal pơlòng tàm ală tơngu me: Cầu long, wăc rùp, khiêu vũ, Earobic, dân vũ mờ broă nhơl ndai…

Mpồl tam klac ơruh pơnu Việt Nam càr Gia Lai pơgồp bal mờ Gah đơng lam mpồl ling sền gàr tiah nhàr lơgar càr, Trung tâm lơh broă ơruh pơnu càr pa bơyai lơh broă lơh “Nhai pe tiah nhàr lơgar” nam 2017 tàm xã Ia Nan mờ Ia Dom, kơnhoàl Đức Cơ. Broă lơh do neh jàu pà 30 bơnah phan ai ală kơnòm bơsram r[ah sơrlèt gan kal ke bơsram jak in; 10 bơnah phan ai ală hìu bơnhă geh dà kơlhề mờ kăc màng in; Gah đơng lam mpồl ling sền gàr tiah nhàr lơgar càr jàu 4 bơnah kes priă “Yờ cơnđoà jơng oh lòt bơsram”, kờp priă là 500 rbô đong dùl nhai dong kờl tus tu\ ală oh 18 sơnam. Bal mờ hơ\, Mpồl duh broă sùm Mpồl ơruh pơnu càr neh jàu dùl nơm hìu “Khăn quàng đỏ” kờp priă là 50 tơlak ai oh Rơ Lan H’Yão in là kơ nòm bơsram ơdu\ 4A, Hìu bơsram kâp một Kpă Klơng, xã Ia Nan, kơnhoàl Đức Cơ in; bơyai lơh kham kòp mờ pà sơnơm ờ sa priă ai rlau 500 nă làng bol in…

Ngai òr (19/3), mpồl tam klăc cau ùr Việt Nam kơnhoàl Krông Ana, càr Dak Lak neh pơgồp bal mờ mpồl cau lơh sơnơm kơnòm să kơnhoàl do bơyai lơh kham, pà sơnơm ờ sa priă, bơto pơlam bơta pràn kơl dang să jan ờ sa priă ai cau rơ[ah, làng bol kòn cau geh rài kis kal ke tàm thị trấn Buôn Trấp, kơnhoàl Krông Ana in. Ală y, bác sĩ neh kham mờ pà sơnơm ờ sa priă ai 150 nă cau rơ[ah in. Mờ pơlam làng bol in bè broă sền gàr bơta pràn kơl dang să jan, bơto sồr tàm broă sơndră mờ kòp tàm tơngai trồ tiah tam gơl kàl…