VOV4.K’ho - Pơn jăt tai pơrjum dơ\ 9, Gơnoar ala măt dà lơgar kơnă 13, mho òr (04/6), Gơnoar ala măt dà lơgar cri bơyai tàm mpồl bè rơndăp broă adăt yal yă sră nggal tam gơl mờ rơndăp broă adăt kờp sền tam gơl. Tàm dơ\ cri bơyai, ală kuang bàng neh pơgồp bal bè ờ uă broă gam geh jơnau đơs ờ ndrờm bal bè: tàm kơn dang tàm broă yal yă sră nggal; tam pà gơnoar tàm broă yal yă sră nggal bơh anih cah rơ`a kơnhoàl, [òn drà, [òn dờng gơwèt càr mờ ndrờm bal, anih cah rơ`a càr, [òn dờng gơwèt dà lơgar; bơngă adăt boh lam anih sền gàr ai ngui kơrnoăt boh lam làng bol; broă bơtơl dơ\ pơrjum sền gròi broă jàu, tìp mờ yal cơng tàng; bè sră nggal tơmù ờ uă; lơh jăt broă cah rơ`a sră nggal mờ lơh glài ală tìs lơh kơrian broă yal yă sră nggal. Lài mờ hơ\, tàm [ùi drim, Gơnoar ala măt dà lơgar cri bơyai bè broă bơcri priă lơh [làng rơndeh par dunia Long Thành. Ală kuang bàng ring bal bè broă lơh do mờ đơs là, pal gờ` lơh tơngai dơ\ 1 bơh rơndăp broă lơh do dê kờ` tơmù gal ir tàm [làng rơndeh par Tân Sơn Nhất, mờ dan Gơnoar atbồ lơgar pal sền gàr nền nòn khà priă bơcri kờ` tềm pềr, lơh geh cồng nha, pleh mờ hoàc huơr.

Cau mblàng Ndong Brawl