VOV4.K’ho- Tài gơ rềng bơh càl rbut dờng sồ 9, drim 28/10, tàm Gia Lai neh geh 1 nă cau gơtìp sồt să tài bơh kơlik hìu tơr lơm mờ 4 kơnhòal tiah đah jum mat tơngai lik càr gơtìp chơt đèng. Tài gơ rềng bơh càl rbut dờng sồ 9, gùng che pờ tơlik ồs đèng 110 KV tàm 4 kơnhòal tiah đah jum mat tơngai lik càr Gia Lai geh Kbang, Ia Pa, Kông Chro mờ thị xã An Khê gơtìp ờ niam, lơh ală tiah do gơtìp chơt đèng. Tu\ do, kong ti ồs đèng Gia Lai gam rơcang cau lơh broă mờ phan bơna kơp jơh càl rbut geh lơh niam wơl.

Jat jơnau đơs lài bơh anih yal lài trồ tiah Tây Nguyên dê, tài gơ rềng bơh jơnau gơ lời wơl càl rbut dờng sồ 9 dê, tàm Gia Lai digơlan geh bơta mìu sơr tus sơr ngan, kờp jơh khà mìu bơh 50 tus 100 mm, mìng is tiah đah mat tơngai lik, tiah đah tô mat tơngai lik càr, mìu bơh 150 tus 200 mm. Dà tàm ală dà dờng, dà croh đơs lài tàm khà 2, khà 3, geh bơta dà ko\ dà cò, tơrlah ù mờ ngơr bam. Tu\ do, ală mpồl lơh broă tàm càr gam sền gròi ngai mang nàng gàr niam ờ do ờ dă màng kis làng bol mờ ờ do ờ dă ală broă lơh in.

Cau mblàng K’Duẩn