VOV4.K’ho- 2 nă kơnòm bơsram tàm xã Ayun, kơnhoàl Mang Yang, càr Gia Lai gơtìp chơ\t bu\ dà nđàc sơngi\t ngan tàm mho ngai 1/7 pa do tài bơh yàl tàm tơnau dà nàng dong kờl sau dềt 2 sơnam.

Jơnau là bè do, tơnơ\ tu\ rê bơh bơsram, dùl mpồl kơnòm bơsram lam ală oh dềt lòt nhơl bràs tàm [làng sre tàm thôn 2, xã Ayun. Tơnơ\ hơ\, sau Trần Lê Thủy Tiên (2 sơnam, hìu tàm thôn 2) lòt tus hờ tơnau dà ơm ngài hơ\ pơgăp 20 thơk nàng ràu tê den ờ bơtuah mờ gơtìp ntiar jơng gơdùh tàm tơnau.

Go\ bè hơ\, den sau Trần Trung Kiến (7 sơnam, bơsram ơdu\ 1, hìu bơsram Kấp dùl Ayun là bi klau bơh sau Tiên dê) mờ sau Phan Thanh Tứ (12 sơnam, bơsram ơdu\ 6, hìu bơsram Kấp bàr Ayun) jàl nàng dong kờl.

Mơya, tài bơh jơh bal 2 nă sau do ndrờm ờ gi\t re dà den tàng neh gơtìp gơkram tàm tơnau dà jrô. Tu\ broă gơlik geh, dùl nă làng bol hìu ơm rềp tềng hơ\ sền go\ mờ driau dờng, hòi cau tus dong kờl mờ hoài geh sau Tiên guh hơđang; tơnơ\ nhơ\p jòi bàn 2 nă sau Kiến mờ Tứ.

Bulah geh làng bol tàm do lơh ngan dong kờl, mờ jun tus hờ Hìu sơnơm kơnhoàl Mang Yang, mơya jơh bal 2 nă sau ndrờm neh chơ\t. Tu\ do, gơnoar ătbồ tiah do neh bơyai lơh lam lòt còp, pơndờm pơnđiang hìu bơnhă ală kơnòm bơsram gơtìp chơ\t bu\ dà do.

Cau mblàng Lơ Mu K’Yến