VOV4.K’ho – Nam 2015 do, bơta lơh sa, ờ do ờ dă mpồl bơtiàn tàm càr Gia Lai geh uă ờ niam. Trồ prang dờng soat dà lơh gơbàn hoàc huơr tàm uă tiah, khà priă uă phan lơh gơs bơh sưon sre gơmù, lơh aniai uă ngan tus lơh sa suơn sre tàm càr. Tàm tu\ hơ\, broă tơn jơh jơgloh, tơmù rơbah ờ hềt kơljap, broă lơh tìs kup màng mờ rềs àr gùng lòt gơlik geh kal ke. Hơ\ là ală tơngume geh sền gròi ngan geh đơs tus tàm pơrjum dơ\ 11 mpồl duh broă ala mat làng bol càr Gia Lai kơnă 10 drim òr 8/12. Bal mờ broă tơr gùm sền mờ đơs bè bơta lơh sa mpồl bơtiàn, ringbal ală kơrnuat rơndap broă bơtàu tơnguh lơh sa mpồl bơtìan tus mờ nam 2016, pơrjum dơ\ do bơh mpồl duh broă ala mat làng bol càr Gia Lai gam tơr gùm tàm ờ uă tơngume kuơ màng ndai bè lùp mờ hơ jơnau lùp ờ uă bơta lơh gơbàn ờ suk mờ geh mpồl bơtiàn sền gròi bè sền gàr brê, jàu ù, ai ơpah ù, bơsong jơnau đơs cau te\ khà dê; tơn lời at gơnoar broă, pồ bơ tơl ờ uă gơnoar broă đơng lam bồ tàm mpồl duh broă ala mat làng bol mờ anih duh broă làng bol càr, ringbal kơrnuat bè broă ơm ờ sa priă sền gàr gùng lòt ù gờl tus mờ rơndeh mai\ tàm càr.

                                                            Cau cih mờ yal tơngit K’ Brọp.