VOV4.K’ho – Drim òr 29/12, Mpồl kuang bàng Gơnoar ala mat dà lơgar càr Gia Lai bơyai lơh tìp mat tơngkah 70 nam Ngai Te\ khà bơh sơnrờp pồ Gơnoar ala mat dà lơgar Việt Nam (06/01/1946- 06/01/2015) mờ tơn jơh broă lơh bơh Mpồl kuang bàng Gơnoar ala mat dà lơgar càr Gia Lai kơnă 13, tơngai lơh broă bơh nam 2011- 2016. Tàm dơ\ tìp mat, ală kuang bàng neh bal mờ gơ\p kah wơl jơnau kah yau 70 nam pơnrơ ngan bơh Gơnoar ala mat dà lơgar Việt Nam dê. Tàm 13 tơngai lơh broă bơh Gơnoar ala mat dà lơgar Việt Nam dê, cau te\ khà càr Gia Lai neh pồ geh 40 nă kuang bàng, mìng is tơngai lơh broă bơh nam 2011- 2016 geh 7 nă kuang bàng. Ală kuang bàng Gơnoar ala mat dà lơgar càr Gia Lai sùm jơh nùs lơh broă, brồ guh bơta pràn jak, bồ tơngoh jak, bơta jơh nùs mờ broă lơh mờ bơta geh kơnòl uă tềng đap làng bol. Tơngai lơh broă dơ\ 13, Mpồl kuang bàng Gơnoar ala mat dà lơgar càr Gia Lai neh bơyai lơh rlau 250 dơ\ pơrjum tìp mat mờ cau te\ khà. Bơh hơ\ neh geh mờr 3300 dơ\ jơnau đơs tă pơgồp, chul chồl, sền gròi ală anih lơh broă bơh càr dê bơsong di tu\ jơh ală 144 jơnau đơs tă pơgồp, jơnau sồr bơh cau te\ khà dê. Di tàm dơ\ do, 11 nă cau dùl nă să is bơh càr Gia Lai dê chờ hờp geh pà Gai lòng kir sơnrai tài broă lơh drơng broă Gơnoar ala mat dà lơgar Việt Nam.

Cau cih mờ yal tơngi\t- Lơ Mu K’ Yến