VOV4.K’ho – Ngai òr 18/06, tàm kơnhoàl Cư\ Sê, càr Gia Lai, Anih tờm bơto pơlam dong kờl lơh broă sa dà lơgar mờ Gah Lơh broă sa mờ bơtàu tơnguh [òn lơgar càr Gia Lai neh bơyai lơh Cribơyai “Broă lơh bơtàu tơnguh tiêu kơ\ kơl jăp ai tiah Tây Nguyên mờ tiah đah jum mat tơngai lik dà lơgar in”. Bal mờ ală bơta bè bơta rề ơnàng bă ù tam tiêu uă ir, kòp gơbàn uă ngan, den bơta jơngkah sơnơm sền gàr phan tam tàm phan bơna tiêu là jơnau pal sền ngăc ngan geh yal tàm dơ\ cribơyai do. Jat hơ\, pa do, Gah Lơh broă sa mờ bơtàu tơnguh [òn lơgar dà lơgar neh geh jơnau yal, phan bơna tiêu jù lơgar he dê gam ngai sơlơ geh uă jơngkah sơnơm sền gàr phan tam, sơnơm tu. Ai ală cau blơi uă tiêu bơh lơgar he dê bè châu Âu mờ lơgar Mỹ den đơs lài là: dilah bơta do ờ geh kơryan, den ờ blơi tai phan bơna tiêu bơh lơgar he dê. Dilah jơnau do gơlik geh, ờ mìng khà priă tiêu gơtìp aniai mờ bơngă bơh tiêu Việt Nam dê kung gơtìp gơmù bal sơl.