VOV4.K’ho – Tơngai do, tàm càr Gia Lai gơlik geh uă dơ\ kơ`au kes lòs prap priă tràl sơbil mờ lac lèu ngan. Pal đơs là bơta roh kơ`au kes lòs gơlik geh uă ngan tàm ală anih lơh broă dà lơgar mờ khà priă roh là uă ngan. Pa do ngan rlau jơh, ngai 15/11, bol blơ\ deh mut tàm hìu ồng Nguyễn Phương Lâm, ơm tàm [òn Kon Dỡng, kơnhoàl Mang Yang kơ`au kes lòs prap priă geh 500 tơlak bal mờ 55 kây biàng kờp tus rlau 1 tơmàn 300 tơlak priă. Lài mờ hơ\, tàm nhai 7/2015, bol blơ\ neh mut tàm mpồl lơh sa kă bro kau su Chư Sê, di mpồl lơh sa dờng mờ mai\ mok kau su Việt Nam, pờ kes prap priă ai rlau 3 tơmàn 200 tơlak priă. Tàm bồ nhai 2, bol blơ\ kung mut tàm hìu lơh broă đah sền gàr brê càr Gia Lai, pờ kes prap priă mờ kơ`au mờr 1 tơmàn. Ală dơ\ kơ`au kes prap priă sùm gơlik geh tàm càr Gia Lai mờ pal đơs lài ngan, ngan là tàm ală anih lơh broă dà lơgar. Jat khà kờp bơh kuang àng càr Gia Lai, bơh bồ sơnam tus tu\ do, tàm càr neh gơlik geh mờr 30 dơ\ kơ`au kes prap priă tàm 11 tàm khà 17 kơnhoàl, [òn drà mờ khà priă gơtìp kơ`au rlau 10 tơmàn priă. Tềng đap bơta do, kuang àng càr Gia Lai neh lùp khàu, jòi kup ală cau mut lơh ală dơ\ kơ`au kes prap priă.

                                                          Cau cih mờ yal tơngit K’ Duẩn.