VOV4.K’ho - Gah bơto bơtê mờ bơsram càr Gia Lai gam tơrgùm rơcang phan bơna, bơyai lơh bơsram wơl jơnau bơsram ai kơnòm bơsram ơdu\ 12 in mờ ală gùng dà broă rơcang sơndră lài kờ` rơcang niam ngan ai dơ\ pơrlòng jơh bơsram cấp 3 nam 2020 in, kuơ màng là tơmù ală kal ke bè trồ tiah bal mờ kòp bạch hầu gam gơbàn kal ke tàm càr do.

Dơ\ pơrlòng jơh bơsram cấp 3 nam 2020 tàm càr Gia Lai geh 13 rơbô 386 nă kơnòm bơsram tus pơrlòng. Càr bơyai lơh 37 anih pơrlòng, gơwèt 4 mpồl, geh bal tàm 17 kơnhoàl, thị xã, [òn dờng. Kờ` gàr niam dơ\ pơrlòng geh bơyai lơh ờ do ờ dă, nền nòn, Sở Giáo dục mờ Đào tạo càr Gia Lai neh crơng gơs 60 mpồl, lơh jăt broă sền gròi bal bơh ală mpồl dan cih măt tus pơrlòng nàng go\ ală bơta tìs, di tu\ lơh niam wơl, bơtơl wơl.

Ală hìu bơsram cấp 3 kung neh bơyai lơh pơrlòng tơrlòng lài mờ rơwah jơh bơsram cấp 3 kờ` sền wơl, tam cah is kơnòm bơsram nàng bơyai lơh bơsram wơl geh cồng nha.

Sở Giáo dục mờ Đào tạo càr Gia Lai pà g^t, nam do, dơ\ pơrlòng geh bơyai lơh tàm nggùl kàl mìu mờ tàm bơta kòp gơtòp ờ g^t tu\ lơi, den tàng gah bơto bơtê mờ bơsram neh rơcang uă gùng dà broă lơh nàng dơ\ pơrlòng geh bơyai lơh niam ờ do ờ dă.

Cau mblàng Ndong Brawl