VOV4.K’ho - Tổng Công ty lơh gùng che ồs đèng dà lơgar bal mờ mpồl atbồ ală rơndăp broă lơh ồs đèng tiah tàm gùl lơgar bơyai lơh gùng che ồs đèng 500kV Dốc Sỏi – Pleiku 2 lòt gan càr Gia Lai. Broă lơh gùng che ồs đèng 500kV gùng 3 Dốc Sỏi – Pleiku 2, gơl lòt gan càr Gia Lai jòng 41 kơi sồ, lòt gan 3 tiah là kơnhoàl Chư Păh, kơnhoàl Ia Grai mờ ƀòn dờng Pleiku, mờ 99 tiah lơh ñjrong ồs đèng.

Kờñ gàr niam broă lơh niam ờ do ờ dă. Công ty Điện lực Gia Lai geh bơyai lơh koh ồs đèng gùng che ồs đèng 110kV bơh anih 500kV Pleiku lòt gan anih 110kV Diên Hồng tàm tơngai do. Công ty Điện lực Gia Lai pà gĭt, mpồl lơh broă do neh lơh jăt gùng dà broă ai ồs đèng rơlao 200 rơbô hìu làng bol tàm 9 kơnhoàl gơtìp in. Gùng che ồs đèng 500kV gùng 3 Dốc Sỏi – Pleiku 2 là broă lơh tờm nàng tơnguh bơta pràn gùng che ồs đèng dà lơgar dê. Kờp dŭ, ngai 31 nhai 3 tus, broă lơh do geh lơh gơs.

Cau mblàng Ndong Brawl