VOV4.K’ho- Àng drim gờ` ngai 30/1, tơ nơ\ tu\ geh jơnau yal bè cồng nha xét nghiệm bơ tờp kòp Covid-19 gơ wèt tus mờ 2 nă cau tàm thị xã Ayun Pa, Ủy ban Nhân dân càr Gia Lai neh geh sră nggal jal mhar sồr lam lơh mơ ală broă lơh sơbac mhar bè rơcang sơndră kòp Covid-19, wàng se jơh sơnah [òn Cheo Reo, thị xã Ayun Pa, Hìu sơ nơm Ia Pa mờ xã Ia Mrơn, kơnhòal Ia Pa bơh 5 jơ drim ngai 30/1 tus tu\ geh jơnau yal pa; sồr làng bol lơh jat ală broă lơh rơcang sơndră kòp jat jơnau sồr sồ 16 bơh Thủ tướng Chính phủ dê.

Xã Ia Trôk, xã Kim Tân, kơnhòal Ia Pa lơh jat jơnau sồr sồ 15 bơh Thủ tướng Chính phủ dê. Gah lơh sơnơm mờ ală mpồl kuang àng, gơnoar atbồ ală tiah ai cau lơh broă lam lơh broă kơryan, wàng se, [ồm sơ nơm lơh kloh khuẩn hìu bơnhă mò Tăng Thị Hoài Thu tàm sơnah [òn Cheo Reo, thị xã Ayun Pa, Hìu sơnơm kơnhòal Ia Pa mờ hìu sơ nơm thị xã Ayun Pa; jòi mơ ală cau ơm rềp mờ tam cah tơrgùm bal ală cau F1, F2.

Cau mblàng K’Duẩn