VOV4.K’ho- Mho ngai 8/2, Mpồl đơng lam rơcăng sơndră kòp Covid-19 càr Gia Lai yal tai 2 nă cau bơtờp kòp Covid-19. Tàm hơ\, geh dùl nă cau ơm tàm kơnhoàl Kông Chro. Bè hơ\, tu\ do, càr geh 21 nă cau bơtờp kòp tàm 6 kơnhoàl, thị xã mờ [òn dờng. Bè cau kòp L.Đ.T ơm tàm thôn Qúy Tân, xã Ia Trok, kơnhoàl Ia Pa, hìu bơnhă geh 5 nă cau pin bơtờp kòp Covid-19. Tài bơh lơh broă apah măy karaoke ntrờn làm bă tiah, den tàng bơh ngai 21/1 tus ngai 30/1, cau do lòt tus uă tiah.

Cau kòp dơ\ 2 là V.T.H.T ơm kis tàm tổ dân phố 1, thị trấn Kông Chro là cau lơh broă tàm Hìu sơnơm kơnhoàl Ia Pa. Bi T geh gi\t bơtờp kòp Covid-19 tàm dơ\ xét nghiệm dơ\ 2 tàm ngai 7/2. Mpồl đơng lam rơcăng sơndră kòp Covid-19 càr Gia Lai sồr làng bol ba` sền ờ sơ\p tềng đăp bơta gơbàn kal ke bơh kòp bơtờp dê; mơkung lơh jăt niam jơnau sồr 5K, hơ\ là pơn chèu glòm muh mat, lơh kloh khuẩn, ơm yah ngài, ba` tơrgùm gal cau, mờ pal yal mờ cau lơh sơnơm in.

Cau mblàng Lơ Mu K’Yến