VOV4.K’ho - Pa do,  đah lơh broa\ ờ do ờ da\ phan sa càr Gia Lai dờp geh jơnau yal bè dơ\ khih phan sa bal gơlik geh tàm [òn Plei Blương, ntum Trang, kơnhoàl Đak Đoa mờ 135 na\ cau mut tàm hìu sơnơm bal mờ bơta gơbàn  gơtuh ha\, jê ndul ua\ ngan. Bơh sền mùl màl ai go\, ngai 17/9, hìu nha\ ồng Lưng 43 sơnam, bơyai lơh jun bau kòn in. Nàng yờ sa làng bol [òn lơgar, hìu ồng geh blơi 4 nơm sur lơh poac nàng tru\ gơm phan sa, poac buh, pròt tơmơl mờ geh klài lài bal mờ phan te\ kờ` ngui ngai pơnjat tai. Tơnơ\ 1 ngai ngui, tus drim (18/9), hìu geh blơi tai  30 kg poac tàm ntum An Phú bal mờ 400 kg bung tàm drà cèng hờ [òn nàng geh lơh phan sa yờ nac. Den tàng  bơh broa\ rcang phan sa gờ` ngan, phan geh sền gàr tàm bơya ờ gàr tơl: geh lơh tơn tềng anih ù,  prap phan tàm bơta bè ờs tàm tơngai jo\, ờ dơp. Lồi dut la, jơh 135 na\ cau sa phan do gơbàn jê ndul,  gơ tuh ha\ sùm. Jơh ala\ cau khih phan sa geh cau hìu nha\ mhar jun cau aniai tus hìu sơnơm ntum,  hìu sơnơm kơnhoàl sơm sa\ sền gròi. Tus drim òr (21/9),  at bồ đah lơh broa\  ờ do ờ da\ phan sa càr Gia Lai ai git: Jơh ala\ cau khih phan sa do tàm ntum Trang, kơnhoàl Đak Đoa, càr Gia Lai sa\ neh pràn wơl mờ geh ai rê bơh hìu sơnơm, pơnjat tai sền jat tàm hìu.

                   Cau cih mờ yal tơnggit K’ Brọp