VOV4.K’ho – Pơrjum dơ\ 9, Gơnoar ala mat dà lơgar kơnă 13 neh tơn jơh ngai òr ( 26/6). Pơrjum neh gơhòi geh bơta sền gròi gal ngan cau te\ khà càr Gia Lai dê. Cau te\ khà đơs là, pơrjum neh đơs ngan ngồn, cribơyai mờ tơlik kơrnuat uă bơta kuơ màng, di mờ bơta kơp kờ` bơh cau te\ khà dê. Cau te\ khà kơp kờ`, nàng cồng nha dơ\ pơrjum dê geh mut ngui ngan ngồn, tơnơ\ pơrjum, Gơnoar atbồ lơgar mờ ală Gah, sơnah lơh broă lơh broă dà lơgar pal mut lơh jat ală Kơrnuat bơh Gơnoar ala mat dà lơgar dê. Ồng Lê Trung Thiệu, cau te\ khà tàm [òn dờng Pleiku, càr Gia Lai đơs: “ A` go\ nùs nhơm kơnòl bơh ală kuang bàng Gơnoar ala mat dà lơgar dê cèng tus pơrjum dơ\ do den kuang bàng lơi kung geh kơnòl uă. Bơh broă rơcang lài, bơh broă cribơyai, lùp jơnau ndrờm niam ngan. Den tàng, jat a`, cồng nha pơrjum dê niam ngan. Mơya kờ` kơrnuat bơh Gơnoar ala mat dà lơgar neh cribơyai, neh ki\, kờ` mut ngui ngan ngồn tàm rài kis làng bol dê, den do là dùl bơta tai. Bè đah Gơnoar atbồ lơgar pal bơyai lơh bè lơi nàng mut lơh jat kơrnuat bơh Gơnoar ala mat dà lơgar dê gơ in niam, ngan là bơta dờng ngan mờ Gơnoar ala mat dà lơgar tơlik kơrnuat là lơh [làng rơndeh par Long Thành.”