VOV4.K’ho – Mho 25/02, tàm Hìu pơrjum Anih duh broă làng bol càr Gia Lai dê, Mpồl đơng lam rơcang sơndră trồ tiah lơh aniai mờ jòi sền dong kờl rềs àr càr Gia Lai neh pơrjum iat yal broă mu\t lơh broă lơh rơcang sơndră trồ prang soăt dà; rơcang sơndră ồs sa brê; rơcang sơndră trồ tiah lơh aniai mờ mìu càl rbu\t dờng nam 2016. Đơs tàm dơ\ pơrjum do, kuang đơng lam càr Gia Lai neh sồr: Tàm tơngai tus, gah lơh broă geh gơnoar bơh càr Gia Lai mờ ală tiah kờn pal crơng gơs ală mpồl lòt sền bè trồ prang soăt dà mờ geh ală broă lơh bơsong, kơryan lơyah ngan rlau jơh bơta hoàc hươr bơh trồ tiah lơh aniai. Anih yal tơngi\t lài trồ tiah dà ia tiah Tây Nguyên dê sùm yal di tu\ bè bơta gơbàn bơh trồ tiah dê ai ală anih lơh broă bơh càr dê in nàng geh broă bơto pơlam ngui dà dipal. Gah lơh broă sa sươn sre mu\t lơh ală broă lơh tam pà dà tuh di pal; pràn jak ai dà lơh sa, ờ lời làng bol ờ geh tơl dà ngui sa. Mu\t lơh broă lơh rơcang sơndră ồs sa brê; rơcang sơndră ồs sa bơrtoh; lòt sền kờn gi\t bơta kòp pluh gơbàn, bơta jơgloh nàng kờn sền gàr niam broă lơh sa mờ tơl niam rài kis làng bol…

Cau cih mờ yal tơngi\t- Lơ Mu K’ Yến