VOV4.K’ho- Drim do, (28/10), Ủy ban Nhân dân càr Kon Tum neh mhar ai kơnòm bơsram in ơm rlô nàng rcang sơn dră bơta gơ rềng bơh mìu càl rơbu\t dờng sồ 9. Jơnau yal bè broă ai kơnòm bơsram in ơm rlô tơnơ\ hơ\ geh Ban Gíam hiệu ală hìu bơsram yal mè bèp kơnòm bơsram in nàng sồr mè bèp lòt tàm hìu bơsram rò oh kòn he dê rê tàm hìu. Broă Gah Giáo dục mờ Đào tạo càr Kon Tum lơyài bè broă geh kơnoat ai kơnòm bơsram in ơm rlô nàng pleh mờ mìu càl rơbu\t dờng lời ală kơnòm in tus hìu bơsram tàm mìu càl tàm drim do lơh bơta ờ suk ơm gơ wèt mờ mè bèp kơnòm bơsram  dê mờ lơh ngòt rơngơ\t ai kơnòm bơsram tàm tiah do in.

Mblàng yal bè bơta do, Sở Giáo dục mờ Đào tạo càr Kon Tum pà g^t, gơ wèt mờ 4 kơnhoàl bơh càr dê kờp du\ geh gơ rềng kơn jơ\ kơn ju\t tài bơh mìu càl rơbu\t dờng sồ 9, tàm hơ\ geh: Đăk Glei, Tu Mơ Rông, Kon Plông mờ Kon Rẫy, bơh ngai 27/10 Sở kung neh sồr Ủy ban Nhân dân ală kơnhoàl rcang lài tàm broă lơh nền ai kơnòm bơsram in ơm rlô nàng gàr niam bơta ờ do ờ dă. Mìng is broă ai kơnòm bơsram gùt càr in ơm rlô 2 ngai bơh ngai 28 mờ 29/10 nàng rcang sơn dră mờ mìu càl rơbu\t dờng sồ 9 den ndrim do hơ\ sồng lơh nền.

Gia Lai ai kơnòm bơsram ală kấp ơm rơlô

Kung tàm drim do 28/10, Sở Giáo dục mờ Đào tạo càr Gia Lai geh sră ai gơnoar jơh ală kơnòm bơsram tàm càr in geh ơm rlô bơsram nàng rơcăng sơndră lài bơta gơrềng tài bơh mìu càl rbu\t dờng sồ 9. Mùl màl bè do, tàm sră sồ 2018, bơh ồng Lê Duy Định Phó Kuang ătbồ Sở Giáo dục mờ Đào tạo ki\ đơs loh ai jơh ală kơnòm bơsram tàm càr in ơm rlô bơsram tàm ngai 28/10. Lài hơ\ tàm mang ngai 27/10, Sở Giáo dục mờ Đào tạo neh geh sră sồ 2017 sồr ală anih lơh broă gơ wèt bal lơh jăt niam broă drơng sền ngai kung bè mang jăt sền bơta lòt rê bơh mìu càl rbu\t dờng sồ 9 dê; geh broă rơndăp lơh sền gàr ờdo ờdă phan bơna, hìu bơsram, sền gàr măy mok bơto bơsram; geh broă rơndăp lơh lơh sàng goh hìu bơsram cơldu\ bơsram mờ rơcăng sơndră kòp bơtờp tơnơ\ tu\ jơh mìu càl rbu\t dờng.

Cau mblàng K’ Hạnh mờ Lơ Mu K'Yến