VOV4.K’ho- Tơnơ\ dùl tu\ tơngai ơm rlô sa tềp mờ ơm rlô bơsram nàng lơh jat broă lơh rơcang sơndră kòp Covid-19, drim ngai 01/3, kơnòm bơsram, cau bơsram dờng gùt càr Gia Lai neh lòt bơsram wơl. Bulah tu\ do càr Gia Lai neh gơtùi sền gròi niam broă gơlik geh bơh kòp Covid-19 dê, mơya ờ di bè hơ\ mờ sền ờ sơp tàm broă rơcang sơndră kòp. Bè hơ\ den tàng lài mờ tu\ kơnòm bơsram, cau bơsram dờng lòt bơsram wơl, Sở Giáo dục mờ Đào tạo neh sồr ală hìu bơsram pơgồp bal mờ anih lơh sơnơm bơyai lơh [ồm sơnơm lơh kloh khuẩn hìu bơsram, ơdu\ bơsram lài mờ tu\ kơnòm bơsram lòt bơsram wơl.

Mìng is ală hìu bơsram ơm sa ngai, ơm tàm hìu bơsram tơn, Sở Giáo dục mờ Đào tạo sồr pal geh rơndap broă bơto bơsram, rơndap anih sàu sa, anih ơm ai kơnòm bơsram in, gàr ờ do ờ dă tàm broă rơcang sơndră kòp Covid-19, gàr ờ do ờ dă phan sa tu\ kơnòm bơsram tơrgùm lòt bơsram wơl. Bal mờ hơ\, pal gàr 100% kơ nòm bơsram, kuang bàng, cau pơgru, cau lơh broă geh was khà duh să jan lài mờ tu\ mut tàm ơdu\ bơsram, lơh broă mờ pal pơn chèu glòm muh mat tu\ bơsram, lơh broă.

Cau mblàng K’Duẩn