VOV4.K’ho- Ngai òr (5/6),  Hìu sơnơm dờng càr Gia Lai ai git,  gam lơh ngan sơm cau gơbàn bơs cang lir tiang pơrhê coh. Tu\ do, sau  gơbàn bơs coh neh ờ ngòt ngơt tai mơya kung gam tàm bơta gơbàn gơ kơt mhàm. Lài hơ\,  tàm 9 jiơ 30 phút mang ngai 29/5, Hìu sơnơm dờng càr Gia Lai geh dờp sau Trần Đức Thắng deh nam 2005, kis tàm [òn Ia Ke, ntum Ia Nan, kơnhoàl Đức Cơ, tàm bơta gơbàn ờ niam gơ kơt mhàm, jơng ma gơbàn as bơh mpàng jơng tus bơnô, ngko jơng geh tềl bơs coh.

                 Sau Thắng gam sơm kòp tàm hìu sơnơm dờng càr Gia Lai.

              Jat cau hìu nha\ bơh sau Thắng, mho ngai 29/5, sau lòt ê kơnrồ bal mờ bi ùr, tu\ lòt gan suơn cao su den geh di ja\ bơs gam wìn gan mpung nhơt mờ gơbàn bơs coh tềng jơng ma. Sau Thắng geh cèng mo tus tàm hìu sơnơm kơnhoàl Đức Cơ mờ geh cèng tus hìu sơnơm dờng Gia Lai nàng sơm mo. Tu\ do Thắng gam geh sơm mờ pah ngai pal tơmut dùl kơldung mhàm  mpồl A. Hìu nha\ sau di la hìu rbah, den tàng tàm ala\ ngai do, mpồl ơruh pơnu kơnhoàl Đức Cơ neh lam sồr tàm ala\ mpồl ơruh pơnu, dong ai mhàm dong sau gơbàn aniai.

                                                            Cau mblàng K’ Brọp.