VOV4.K’ho – Bal mờ ală càr, [òn dờng tàm tiah đah jum dà lơgar, tàm càr Gia Lai kòp mprơm gơlik mhàm gam gơbàn uă nisơna bal mờ gi\t nđờ rbô nă cau gơbàn kòp mờ neh geh dùl nă cau chơ\t. Bơh bồ nam tus tu\ do, gah lơh sơnơm càr Gia Lai cih geh rlau 2100 nă cau bơtờp kòp mprơm gơlik mhàm tus sơm kòp tàm ală hìu sơnơm tàm càr. Pơndrờm bal dùl tu\ mờ nam lài, khà cau gơbàn kòp mprơm gơlik mhàm tàm càr gơguh rlau 10 dơ\, mờ jơh ală 17 kơnhoàl, [òn drà, [òn dờng tàm càr geh ală cau gơbàn kòp, uă ngan rlau jơh là tàm [òn dờng Pleiku, ală kơnhoàl Cư\ Pưh, Đak Pơ, Kông Chro, mờ Đak Đoa. Nàng kơryan kòp mprơm gơlik mhàm, ală hìu sơnơm rcang gàr lài kòp tàm càr Gia Lai neh [ồm mờr 1 rbô li\t dà sơnơm gơ sơ\t sơmack mờ gam ơm kơ\p geh pà tai dà sơnơm gơ sơ\t sơmack bơh ală anih lơh sơnơm bơh dà lơgar dê. Bal mờ hơ\, ală anih lơh broă tàm càr gam lơh pràn broă lơh mblàng yal, hòi jà làng bol lơh kloh niam tiah ơm kis, gơ sơ\t kih dà, kơryan phan lơh bơtờp kòp.

Cau cih mờ yal tơngi\t- Lơ Mu K’ Yến