VOV4.K’ho- Broă càr Gia Lai dan tam gơl rlau 170 lồ brê nho neh tam rlau 40 nam nàng Tập đoàn FLC in lam lơh rơndap broă lơh [làng nhơl Golf, gam lơh gơbàn bơta sền gròi ua\ ngan bơh mpồl bơtìan tàm càr mờ bơdìh càr dê, tơnơ\ tu\ Tổng cục Lâm nghiệp geh sră nggal hơ wơl bè ală hoàc huơr dờng ngan gơ wèt tus mờ brê digơlan gơlik geh, mờ sồr càr pal sền sơ wì nền nòn tu\ sồr tam gơl brê nàng lam lơh rơndap broă.

Mờ bơta mùl màl tàm càr Gia Lai, rơndap broă lơh [làng nhơl Golf pa đơs neh lơh mpồl bơtìan ờ suk ngan, ờ mìng tài bơh gơ rềng tus 2 broă tam gơl brê [ươn gơ rềng, mờ gam ai go\ bơta ờ ring bal tàm broă rơndap lơh bơtàu tơnguh nhơl chờ, roh bơta pin dờn tàm ală jơnau hơ pơrgon tam wơl brê bơh ală rơndap broă neh tam gơl lài do.

Tu\ do, broă lơh chờ nhơt phồng mờ drà phan lơh gơs bơh suơn sre Đăk Đoa neh tơn jơh rlau 1 nhai, mơya kung gam ua\ nac nhơl chờ lòt tus tiah niam tiơng pơn rơ do. Mpồl nac tus bơh [òn dờng Hồ Chí Minh lòt tus ndo tàm broă lơh nhơl chờ brê bơ nơm, ală ùr bơklau bơh càr Dak Lak jòi tus bơta niam bơne\ di kir rơnrai ngai `ô bau, mờ ală cau pa tàm kờ`… Khi ndrờm gơtìp pơn jồ tài bơh brê nho mờ bơ nơm nhơt.

Bè đah [òn lơgar, ồng Nguyễn Tiến Dũng, Phó Chủ tịch Ủy ban Nhân dân kơnhòal Đăk Đoa pà git, bơh 4 nam do, kơnhòal neh sùm lơh chờ nhơt phồng pơgồp bal mờ drà phan lơh gơs bơh suơn sre, mờ bơta kơp kờ` dờng ngan là gơtùi bơt bơtàu dùl phan nhơl chờ niam krơi is: “Bol hi lơh ngan bơtàu tơnguh mờ sền gàr. Pah nam ndrờm lơh ngan bơyai lơh chờ do, nàng lơh bè lơi Đăk Đoa đơs is, Gia Lai đơs bal, gơtùi gơ hòi gơ jà nac nhơl chờ. Mờ kơp kờ`, Gia Lai geh gơ gơs là dùl anih hơ pơrgon, ờ mìng ai nac nhơl chờ tàm càr in lơm gờm, mờ gam tàm lơgar mờ jơh bal lơgar ndai tai”.

Kơnhòal gam kơp kơ nờm mờ gam lơh ngan bơt bơtàu dùl phan nhơl chờ cèng bơta niam krơi is, nac nhơl chờ gam gơ lơh gơ kờ` ngan mờ trồ tiah, ù tiah niam bơne\ den càr dan tam gơl tiah do gơs dùl [làng nhơl Golf, bơta do lơh ua\ cau pơlai soh ngan. Bi Trần Bình, dùl nă cau lơh sa kă bro tàm [òn dờng Pleiku, lam cau tờm lòt sền bơ nơm nhơt phồng mờ brê nho Đăk Đoa đơs là, tu\ lơh [làng nhơl golf tàm do, den bơta niam do ờ gam tai: “Nhơt phồng do hòn tàm do niam ngan, sền kờ` ngan. A` là cau kis tàm do, git ua\ tiah, mơya kờ` ngan bơ nơm do. Jat a` den bơta lơi là tiah niam nhơl chờ den he pal tam gơl gơ mờ pal bơtàu tơnguh gơ. Bè tềng do, bơ nơm nhơt phồng do, den he lơh bè lơi nàng gơ niam rlau tai, bơh sơngka sền gàr tus bơceh mòn niam chài. Ai dilah lơh [làng nhơl golf den hoàc ngan bơta niam mờ trồ tiah, ù tiah neh ai pà he in”.

Bơ nơm nhơt phồng

Dùl nă nac nhơl chờ ndai den đơs là, nhơl chờ brê bơ nơm den dipal mờ ua\ ngan làng bol càr Gia Lai rlau mờ rơndap broă lơh [làng nhơl golf: “Rài kis làng bol càr Gia Lia dê kung gam ua\ ngan kal ke. {làng nhơl golf den ờ geh bơta lơi niam, tài gơ mìng di mờ cau pas. Mờ pal là cau pas ngan, ai dilah đì rơndeh bè a` do den kung ờ hềt gơtùi nhơl golf sơl”.

Sơ lơu\ wơl mờ bơta kơ lôi rơcang bơh mpồl bơtìan dê, geh ua\ mpồl lơh sa kă bro tàm càr Gia Lai kờ` broă rơndap lơh [làng nhơl golf bơh càr dê. Ală mpồl lơh sa kă bro do đơs là, gơ wèt mờ Gia Lai, hơ\ là dùl broă lơh “mòn rơ sòn sềm klàng” in. Broă gơtùi gơ hòi gơ jà mpồl lơh sa kă bro dờng mut bơcri pria\ lơh [làng nhơl golf là bơnàng jă nàng gơ hòi gơ jà ua\ mpồl lơh sa kă bro ndai, chul chồl lơh sa mpồl bơtìan bơtàu tơnguh, tơnguh niam rài kis làng bol.

Cau tờm dùl mpồl lơh sa kă bro, dan ờ yal mat đơs là, jơnau đơs bơh làng bol dê gơ wèt tus mờ broă tam gơl brê, ờ di mìng là bơta kơ lôi rơcang bè tiah ơm kis, mờ gam tài bơh neh roh bơta pin dờn gơ wèt tus mờ ală jơnau hơ pơrgon tam wơl brê neh mờ gam gơlik geh tàm ua\ rơndap broă: “Bơta pin dờn là tu\ neh hơ pơrgon den tờm chi hơ\ geh ntrờ` neh ntrờ` tus tềng lơi, broă ai tơlik khà pria\ nàng tam bơ tơl wơl brê den càr geh tam tềng lơi, neh geh broă rơndap lơh mùl màl halà ờ hềt. Bè đah mpồl lơh sa kă bro, khi tu\ lơi kung rơcang tơm wơl dipal. Mơya càr gơtùi hơ pơrgon là ngui pria\ hơ\ nàng tam wơl brê halà ờ. Càr pal ai tơnggo\ jơnau he pơrgon he dê. Càr pal jàu dùl mpồl lơi in nàng lơh broă hơ\”.

Rơndap broă lơh bơh Tập đoàn FLC dê

Jat rơndap broă bơcri pria\ gah Thể dục thể thao càr Gia Lai dê, rơndap broă lơh [làng nhơl golf Đăk Đoa geh kờp du\ tă pria\ lơh tàm tơngai bơh nam 2016 tus nam 2025, ơnàng 197 lồ, ndrờm tàm bă ù lâm nghiệp mờ brê nho, tam bơh tơnơ\ ngai tơngklàs. Nam 2014, rơndap broă geh jàu ai Kong ti Cổ phẩn bơcri pria\ Hội Phú in lam lơh. Tơnơ\ hơ\ kong ti do geh đơs là lơyài lam lơh den tàng càr neh ai wơl. Mờ tu\ do, rơndap broă geh jàu Tập đoàn FLC in.

Gơ rềng tus rơndap broă, geh ua\ ngan jơnau yal krơi is. Rơndap broă bơh sơn rờp geh crơng gơs mờ bă ù ơnàng 197 lồ. Tàm bă ù do geh mờr 4 rbô 500 tờm nhơ geh gơtìp kơl halà ntrờ` tiah ndai. Mơya jat jơnau yal tàm pang điện tử bơh Tập đoàn FLC dê (FLC.vn), rơndap broă do là “tơrgùm bal nhơl chờ ơm rlô să brê bơ nơm” ơnàng 500 lồ, hơ\ là geh lơh tàm jơh bă brê nho gơ wèt xã Glar, Tân Bình mờ thị trấn Đăk Đoa. Ơnàng 197 lồ mìng là tơngai dơ\ 1 bơh rơndap broă lơh dê.

Ai jat sră nggal hơ wơl bơh Tổng cục lâm nghiệp dê pơyua Ủy ban Nhân dân càr Gia Lai in pa do, tơngume ờ bài sền sơ wì wơl sră dan tam gơl bơh càr dê tài ờ hềt geh tơl sră nggal pơyua bal, den khà brê gơtìp òt, kơl digơlan gơguh tus 15 rbô khối, ua\ rlau 3 dơ\ khà geh git tus lài hơ\.

Bol hi neh hòi Ủy ban Nhân dân càr Gia Lai mờ ua\ sở, gah broă lơh, mpồl lơh broă geh gơ rềng nàng  lùp bè tìs, khà lin bơh ală jơnau yal dê, mơya tài ală jơnau krơi is, jơh bal Ủy ban Nhân dân càr, ală sở, mpồl, gah broă lơh ndrờm ờ hềt hơ lơm.

Cau mblàng K’Duẩn