VOV4.K’ho.- Drim ngai, 15/3, Mpồl Ờ do ờ dă gùng lòt càr Gia Lai bơyai lơh dơ̆ lam lơh uă broă mblàng yal, yal tơngĭt, bơto bơtê adat boh lam, mờ lòt sền sền gròi lơh glài cau lơh tìs bơta rơdap tap sèng, ờ do ờ dă gùng lòt tàm ơruh pơnu làng bol jơi bơtiàn kòn cau nàng tơrmù bơta rềs àr gùng lòt tàm tiah làng bol jơi bơtiàn kòn cau bơh càr dê.

Ală Kuang àng gùng lòt lòt sền gùng lòt

Jat Mpồl Ờ do ờ dă gùng lòt càr Gia Lai, mìng tàm 2 nhai bồ nam do, tàm càr Gia Lai gơlik geh 56 dơ̆ rềs àr gùng lòt kơn jơ̆ ngan, lơh 46 nă cau chơ̆t mờ gĭt nđờ jơ̆t nă cau ndai sồt să. Rlau nggùl dơ̆ rềs àr geh gơ rềng tus ơruh pơnu làng bol jơi bơtiàn kòn cau. Mpồl Ờ do ờ dă gùng lòt càr Gia Lai pà gĭt dơ̆ lam lơh uă broă mblàng yal, yal tơngĭt bơ to bơtê adat boh lam mờ lòt sền, sền gròi, lơh glài cau lơh tìs rơndap tap sèng, ờ do ờ dă gùng lòt tàm ơruh pơnu làng bol kòn cau geh jơnau kờñ tơnguh uă broă lơh, geh cồng nha lơh jat adat boh lam gàr niam bơta rơndap tap sèng ờ do ờ dă gùng lòt tàm ù tiah ƀòn lơgar, tiah làng bol kòn cau, ngan là ală tiah geh gơl gùng rơndeh dờng lòt gan.

Cau mblàng K’ Hạnh