VOV4.K’ho - Broă lơh bơtơ\t rơbòng dà Pleikeo (xã Ayun, kơnhoàl Chư Sê, càr Gia Lai) geh bơcri priă, lơh mờ khà rơlao 119 tơmàn đong, geh uă ngan priă bơcri bơh dà lơgar, kờ` dong kờl làng bol kis tàm xã pôs đồng kăc màng, rơ[ah ngan kơnhoàl Chư Sê rơcang tơl dà tuh ai 500 lồ phan tam in, chồl pràn broă tơnguh bơtàu lơh sa.

Mơya, neh lơh gơs ờ hềt geh sền bơta kơl jăp, den tàng ờ hềt geh ai ngui, mơya rơbòng dà neh gơtìp tơrlah uă gơl, uă tiah tàm rơbòng dà. Broă lơh niam wơl kung geh lơh ing, kờ` sơndră wơl lơm, lơh broă lơh do ờ hềt g^t tus tu\ lơi hơ\ sồng geh ai  ngui.

Bi Đinh Kyơi, kuang atbồ [òn A Chông (xã Ayun, kơnhoàl Chư Sê) pà g^t, bi neh go\ ală gơl rơbòng dà lòt gan bă sre tàm [òn bi dê gơtìp tơrlah tơn bơh tàm tu\ rơ\p lơh gơs tàm lồi nam 2019. Tus tu\ do, tơnơ\ mờ tu\ nggùl kàl mìu sơnrờp ngan, uă tiah neh gơtìp tơrlah uă ngan.

                   Dùl gơl rơbòng dà geh tơrbo\ bơh ding tòm tus mờ rơbòng gam geh lơh wơl

Ală gơl rơbòng dà tam koh gơl bal bơh rơbòng tòm mờ ding lam dà neh geh uă tiah gơtìp rơdàng di gơmu\t mpàng jơng tơn, uă gơl rơbòng dà gơtìp koe, gơtìp gơpừ, gơtìp gơklò. Jăt gah rơbòng dà tòm, uă tiah gơtìp pă, ù, lu\ gơbồr jơh tàm rơbòng, geh pơhìn gơtìp kơrian dà hòr, Bi Đinh Kyơi pà g^t:

-Bol a` ờ su\k ngan, ờ hềt ngui neh gơtìp tơrlah uă ngan. Kơ\p kờ` gơnoar atbồ lơh bè lơi broă lơh do pal kơl jăp nàng làng bol geh tơl dà tuh phan tam in.

Bu\ lah broă gơtìp tơrlah rơbòng dà neh geh go\ bơh gờ`, mơya tàm nhai 12 nam 2019, UBND kơnhoàl Chư Sê, do là anih tòm bơcri priă lơh bơtơ\t rơbòng dà do neh dờp Công ty TNHH bơ\t bơtàu Nghĩa Thành, càr Quảng Nam là mpồl lơh gơs 100% khà broă lơh do, mờ yal mờ kho bạc càr lơh jăt broă tơm priă mờr jơh khà priă lơh rơbòng dà là 69 tơmàn 900 tơlăk đong tàm 70 tơmàn đong.

                                                    Dùl gơl rơbòng dà geh bơ\t wơl

Tu\ dờp jơnau yal gơtìp tơrlah broă lơh rơbòng dà bơh sră [ăo yal, mpồl tòm bơcri priă lơh neh sồr mpồl dờp lơh tus lơh niam wơl. Mơya, jăt ồng Nguyễn Hồng Minh lơh broă tàm Công ty TNHH bơ\t bơtàu Nghĩa Thành là cau sền gròi broă lơh do yal, bơta kơl jăp rơbòng dà ờ geh, dùl bơnah broă tàm bơta do là tài broă sền gròi ờ jai:

-Broă lơh geh lơh uă ngan mờ jòng ngan, a` ờ gơtùi sền gròi jơh 100%, den tàng uă tu\ cau lơh ờ nền nòn, tu\ dà hòr tus den gơtìp tơrlah,bàr pe tiah mờ sră [ăo yal den a` neh sồr lơh niam wơl. A` sồr lơh tơrlah hơ\ sồng lơh wơl, tuh wơl bê tông. Phan pơrgan gơtìp pă den a` sồr tuh wơl. Broă hơ\ neh lơh gơs tàm ngai 21 nhai 8 lài do.

Tus sền mùl màl tàm tiah lơh bơtơ\t rơbòng dà Pleikeo, bol a` go\ bơta rơdàng gam uă ngan. Bràs ngui nàng lơh rơbòng dà bơrlu\ bal mờ ù uă ngan. Geh ờ uă tiah neh bơ\t wơl, kung gơtùi tă mờ tê sơl, tài mìng geh 1 tăp sơmăng lơhơ bơh bơdìh.

Mò Rơmah H’ Glar, Phó Bí thư Huyện uỷ Chư Sê lài do lơh broă tàm tơngai bơh nam 2010 tus 2015 pà g^t: Ayun là xã pôs đồng kăc màng, mơya tài kal ke bè dà den tàng geh rơlao 80% khà là hìu rơ[ah mờ ndrờm mờ rơ[ah. Broă bơcri priă lơh bơtơ\t rơbòng dà tàm xã Ayun tơl^k broă sền gròi dờng màng ngan bơh Dà lơgar dê, geh kuơ màng ngan nàng xã tơnguh bơtàu broă lơh sa.

Jăt mò H’ Glar yal, broă atbồ rơndăp broă lơh do ờ nền nòn, lời broă lơh gơtìp tơrlah, broă lơh niam wơl mìng geh sơndră wơl, lơh ing lơm, ờ mìng lơh ờ niam tus mờ broă kờ` tơmù rơ[ah tàm xã do mờ gam lơh roh bơta pin dờn tai:

-A` go\ ală cau lơh bơtơ\t rơbòng dà do ờ geh nùs nhơm, ờ geh kơnòl. Lơh mờ priă bơh dà lơgar, lơh broă lơh geh kuơ màng làng bol kòn cau kis tàm tiah sar lơgar ngài, tiah kal ke mờ ờ kơlôi sơnơng, lơh ờ geh kơnòl den lơh aniai uă ngan tus mờ phan bơna dà lơgar, mờ lơh ờ geh nùs nhơm pin dờn, nùs nhơm kơ\p kờ` bơh làng bol dê.

Cau cih Nguyễn Thảo-Cau mblàng Ndong Brawl