VOV4.K’ho – Đảng ủy Gah đơng lam ling klàng càr Gia Lai bơyai lơh yal kơrnuat tơn pồ Bí thư Đảng ủy ling klàng càr, tơngai lơh broă bơh nam 2015 tus nam 2020. Hạt kơrnuat sồ 1888 ngai 18/6/2020 geh yal tàm pơrjum, Ban Thường vụ Tỉnh ủy Gia Lai tơn pồ ồng Hồ Văn Niên, Ủy viên rơcang lài Ban Chấp hành Đảng dà lơgar, Bí thư Tỉnh ủy, Kuang atbồ mpồl kuang bàng Quốc hội càr lơh Bí thư Đảng ủy ling klàng càr, tơngai lơh broă bơh nam 2015 tus nam 2020.

Đơs tàm pơrjum, ồng Hồ Văn Niên đơs là, Đảng ủy ling klàng càr geh gơ noar broă kươmàng ngan tàm broă đơng lam, pơlam ală mpồl ling lơh jat geh cồng nha kơnòl sền gàr lơngap lơngai, sền gàr dà lơgar, ling klàng bơh càr dê; pơgồp bơnah tơnguh cồng nha tơr gùm bal, bơta pràn tam lơh bơh jơh gùt ling klàng dê, lơh jat jơnau kờ` kơ nòl broă bơt bơtàu mờ sền gàr dà lơgar.

Bơdìh hơ\ tai, ồng Niên kung sồr, tàm tơngai lơh broă pơn jat tai, Đảng ủy Gah đơng lam ling klàng càr pơn jat tai tơnguh ală cồng nha neh lơh geh tàm tơngai lài; bal mờ gơp tam klac bal lơh gơs niam kơnòl broă chính trị geh jàu.

Cau mblàng K’Duẩn