VOV4.K’ho- Tềng đăp ală bơta gơlik geh pa bơh kòp Covid-19 dê tàm ală lơgar tàm kơnhoàl ù tiah do mờ pơhìn gơ lòt mu\t gan gùng kòn pờ tàm tiah nhàr lơgar, mpồl ling bơh Mpồl ling sền gàr tiah nhàr lơgar càr Gia Lai dê neh sơlơ lòt sền, lơh jăt niam broă lơh kă bro phan mờ lơgar ndai, lòt rê mờ lơgar ndai tàm Mpồng nhàr lơgar dunia Lệ Thanh.

Tu\ do, Mpồl ling sền gàr tiah nhàr lơgar càr Gia Lai geh 34 anih gròi sền kòp Covid-19 jăt gơl gùng tiah nhàr lơgar mờ Campuchia. Tàm Mpồng nhàr lơgar Dunia Lệ Thanh, broă lơh kă bro phan mờ lơgar ndai, lòt rê mờ lơgar ndai geh mpồl lơh broă geh gơnoar lam lơh jăt di jơnau sồr bè rơcăng sơndră kòp. Jơh ală làng bol Việt Nam bơh lơgar ndai rê tàm lơgar ndrờm geh mpồl lơh sơnơm kham kòp; tơnơ\ hơ\ geh dờp ing, jun rê Tiah tờm ơm yah ngài tơrgùm bal bơh càr dê. Mìng is broă lơh kă bro phan mờ lơgar ndai tàm do, pah ngai kung gam geh kờp bal bơh 30 tus 50 nơm rơndeh bơh ală mpồl lơh sa kă bro dê pơndiang phan kă bro- phan lơh geh bơh sươn sre lòt rê.

Cau mblàng Lơ Mu K’Yến