VOV4.K’ho- Ủy ban Nhân dân càr Gia Lai pa geh sră nggal bè broă sơlơ lam lơh ală broă lơh atbồ, sền gàr brê mờ rơcang sơndră, crùh ồs sa brê lài mờ tu\, tàm tu\ mờ tơ nơ\ tu\ sa tềp Tân Sửu 2021. Jat hơ\, Ủy ban Nhân dân càr sồr ală gah broă lơh, mpồl lơh broă geh gơ rềng lơh jat nền nòn Adat Lâm nghiệp mờ sră nggal pơyua bơh Ủy ban Nhân dân càr dê mờ lam lơh ală broă lơh rơcang sơndră mờ crùh ồs sa brê kàl prang nam 2020 – 2021.

Sở Nông nghiệp mờ Phát triển Nông thôn đơng lam Chi cục Kiểm lâm đơng lam, pơgồp bal mờ Cơldu\ kảnh sát rơcang sơndră crùh ồs sa mờ dong kờl rềs àr (kuang àng càr) sơlơ lòt sền, chul chồl ală kơnhòal, thị xã, [òn dờng mờ ală mpồl tờm brê lam lơh ală broă lơh rơcang sơndră mờ crùh ồs sa brê, atbồ, sền gàr brê, kơryan ală broă lơh aniai phan kươ brê. Ală mpồl tờm brê mờ mpồl kiểm lâm jàu mpồl lơh broă sền gròi sùm tàm ală anih lơh broă mờ ală tiah [uơn gơlik geh ồs sa brê; sền gròi nền nòn cau lik mờ mut tàm ală bă brê; git loh broă gơlik geh mờ kơryan geh cồng nha ală broă lơh aniai phan kuơ brê.

Cau mblàng K’Duẩn