VOV4.K’ho – UBND càr Gia Lai neh geh sră nggal sồr UBND kơnhòal Chư Sê bơsong ală broă lơh tìs gơ rềng tus broă tơm wơl, dong kờl tu\ ai wơl ù tàm ală rơndap broă lơh kươmàng tàm kơnhòal, lơh gơ rềng tus 85 hìu bơnhă, cau dùl nă să is neh geh jơnau đơs dră wơl khà pria\ tơm wơl lơyah, kờp ờ tơl phan tam, hìu đam, ngui ờ tơl broă lơh dong kờl tu\ ai wơl ù lơh sa suơn sre tàm rơndap broă lơh Tiah tờm hành chính, tiah drà brê bơnơm đah mat tơngai lik thị trấn.

Thanh tra Sở Tài nguyên Môi trưởng sồr UBND kơnhòal Chư Sê bơt bơtàu rơndap broă tơm wơl, dong kờl bơ tơl ală cau geh dong kờl nàng gàr niam rài kis mờ broă lơh sa tu\ gơtìp dà lơgar ai wơl ù, dong kờl bơ to bơtê, tam gơl broă lơh mờ jòi broă lơh jat kơrnuat bă ù geh ngan ai wơl mờ khà pria\ ù ngui tàm tơngai ki\ ring bal bơ tơl; sồr lòt sền, kờp sền khà gơguh ua\ tài tam gơl rơndap broă tơm wơl, dong kờl nàng gơ in di mờ wil tơl jat jơnau cih bơh adat boh lam dê.

Cau mblàng K’Duẩn