VOV4.K’ho - Neh geh tu\ là tiah tờm tam tiêu Tây Nguyên dê, mơya 2, 3 nam pa do, kơnhoàl Chư Pưh, càr Gia Lai ngềt ngơ\t tài tờm tiêu gơtìp chơ\t uă, g^t nđờ rơbô hìu gơtìp kal ke, pal sơbì hìu đam lòt tus tàm tiah ndai lơh broă.

Tơnơ\ mờ hoàc huơr uă bè tờm tiêu, gơnoar atbồ tàm do bal mờ ală làng bol lơh broă sa kis tàm do gam rơhời tam gơl sơntìl phan tam, phan ròng, sơrlèt mờ kal ke, chồl pràn tơnguh bơtàu lơh sa…

Lam bol a` tus còp suơn gam geh uă plai, bi Trần Bá Thanh, kis tàm [òn Thiên An, xã Ia Blứ, kơnhoàl Chư Pưh, càr Gia Lai pà g^t: tàm suơn do lài do geh 3 rơbô `jrong tiêu. Tàm tơngai geh tơnhào, geh priă, dùl nam hìu nhă bi geh di pơgăp 1 tơmàn 600 tơlăk đong.

                           Bi Thanh (soh ào kò) tàm suơn sầu riêng pơgồp bal mờ hợp tác xã Đại Ngàn

Tu\ tiêu chơ\t jơh tài kòp, bi tam gơl jơh bă ù tam tiêu nàng tam ală bơta tòm chi sa plai. Jăt bi Thanh yal, bu\ lah priă geh bơh broă tam uă bơta phan ờ uă rơlao mờ lài do, mơya geh cèng geh bơta ring niam mờ ờ do ờ dă.

-Bơh ngai tiêu tàm do gơptìp kòp mờ chơ\t, den hìu nhă tam gơl phan tam, đơs ngan là tu\ do hìu nhă geh di pơgăp 8 bơta tòm chi sa plai. Kờp jơh khà priă geh tàm 1 nhai di gơlan tus 10, 20 tơlăk đong.

Tơnơ\ mờ hoàc huơr bơh tòm tiêu, uă hìu nhă tàm kơnhoàl Chư Pưh neh jòi sùm ală broă lơh sa, geh bal tòm chi ờ jo\ mờ jo\ nam, ală phan ròng geh uă bơta bè trùn quế, kơnrồ, be. Là dùl tàm ală cau lam lài tàm xã Ia Blứ lơh jăt broă ròng be tăc poăc, bi Lê Rừng Núi pà g^t: ròng be ờ glar, phan sa kung [uơn jòi, broă di gơlan gơtìp kòp kung uă rơlao pơn drờm mờ ală phan ròng ndai. Tu\ do, ròng be dong kờl hìu nhă bi Lê Rừng Núi geh pah nam g^t nđờ rơhiang tơlăk đong.

-Tu\ do là neh tơnguh ngan, he mìng geh kàr do mơ, khà priă tàm drà kă bro ring niam là he chờ hờp ngan bloh, tu\ do lòt lơh broă ơpah ha là tam tòm chi sa plai den ờ uă rơlao mờ ròng be. Dùl rơhiang nơm be jăt khà priă tàm drà kă bro tu\ do den dùl dơ\ tăc he geh priă cồng 100 tơlăk đong.

Xã Ia Blứ là tiah tàm kơnhoàl Chư Pưh gơtìp aniai uă ngan bơh tòm tiêu, tu\ geh rơlao 1 rơbô lồ tiêu gơtìp chơ\t jơh.

                           Mờ broă ròng be, pah nam bi Lê Rừng Núi geh g^t nđờ rơhiang tơlăk đong

Ồng Lê Quang Vang, Phó Chủ tịch UBND xã pà g^t: Kờ` rơhời brồ guh broă lơh sa, xã neh pal jòi uă gah dong kờl bơh kơnhoàl tus mờ ală mpồl lơh sa kă bro nàng jòi geh gùng dà broă lơh pa. Nùs nhơm kơlôi sơnơng broă lơh sa suơn sre bơh làng bol neh geh tam gơl, làng bol rơcang rơlao bè phan tam, phan ròng, ờ hoan lơh jăt ală broă lơh tai nàng pleh mờ hoàc huơr.

Làng bol kung pơgồp bal nàng crơng gơs ală mpồl lơh broă bal, Hợp tác xã nàng rơhời lơh sa jăt broă lơh geh kuơ bơh phan geh lơh bơh broă lơh sa suơn sre. Tu\ do, xã Ia Blứ neh geh 2 bơta phan OCOP cầp càr; uă broă tam tòm chi sa plai mờ ròng phan neh cèng geh cồng nha uă. Ồng Lê Quang Vang pà g^t:

-Mìng is tàm xã nam 2019 khà cau lơh broă lòt lơh broă ngài gal ngan, geh rơlao 50%, tus nam 2020 den geh UBND kơnhoàl rơwah lơh xã lam lài bè broă tơnguh bơtàu broă lơh sa, den kung neh geh k^ 4 broă lơh hơ\ là tòm sầu riêng, tòm pơnăt thái, tòm jơu ròng tu mờ broă ròng be.

Kờp tus tu\ do den jơh 3 bơta phan do ndrờm geh tus mờ ală broă lơh. Tus do, UBND xã kung tus bal nàng lam sồr lơh geh uă ală broă lơh tơrlòng lài, geh ờ uă bơta phan tam, phan ròng tàm xã nàng dong kờl làng bol ring niam mờ tơnguh bơtàu broă lơh sa.

Jăt jơnau kờp, tàm kơnhoàl Chư Pưh geh rơlao 1 rơbô 700 lồ tòm tiêu gơtìp chơ\t tài kòp. Tus tu\ do, neh geh rơlao 1 rơbô 500 lồ tòm chi sa plai geh tam gơl bơh bă ù tam tòm tiêu do.

Ồng Nguyễn Long Khánh, kuang atbồ phòng Nông nghiệp mờ Phát triễn Nông thôn kơnhoàl Chư Pưh pà g^t: ală bơta tòm chi sa plai tòm kơnhoàl dê ndrờm geh broă pơgồp bal bơh làng bol mờ Hợp tác xã bal mờ mpồl lơh sa kă bro.

Kơnhoàl neh lơh broă mờ anih hòi jà kă bro [òn dờng Đà Nẵng nàng ai phan geh lơh bơh broă lơh sa suơn sre tus tàm drà kă bro [òn dờng Đà Nẵng mờ tăc tàm ală càr tiah tàm gùl lơgar. Bal mờ phan tam, tàm xã neh geh 6 rơndăp broă ròng phan ngui công nghệ cao geh ai bơcri priă lơh. Ồng Nguyễn Long Khánh đơs tai:

-Tu\ do, kơnhoàl gam lùp sền nàng g^t bè bơta niam ù tiah bơ\t bơtàu sră cih rùp ù tiah jăt broă lơh di pal bơh tơl bơta phan tam, geh ai gùng dà broă lơh làng bol in lơh sa jăt mờ tơl tiah tam phan gơdờp bal mờ phan tam.

Broă pơn jăt tai là tơnguh broă hòi jà kă bro nàng pơgồp bal ală siêu thị, ală công ty tăc phan geh lơh bơh broă lơh sa suơn sre nàng g^t bè broă kờ` bơh bơta phan kă bro, tàm tơngu me hơ\, kơnhoàl geh ai wơl phan geh ai mờ bơyai lơh wơl broă lơh sa jăt broă lơh drà kă bro kờ` tăc mờ ală mpồl lơh broă gơtùi blơi phan geh lơh.

Mờ gùng dà broă lơh jăk chài, di pal, gơnoar atbồ bal mờ làng bol kơnhoàl Chư Pưh gam lơh ngan brồ guh lơh sa tàm bă ù neh geh tu\ sền tiah tờm tam tiêu Tây Nguyên dê; rơhời bơ\t bơtàu broă tơnguh bơtàu lơh sa suơn sre kơl jăp, ai geh broă lơh mờ geh priă tàm rài kis ring niam ai làng bol in.

Cau cih Nam Trang-Cau mblàng Ndong Brawl